U mieniu školnikaŭ Minska ŭklučać azdaraŭlenčyja małočnyja napoi
Pieršymi navinku aceniać navučency škoł Maskoŭskaha rajona.
Karysny napoj ajčynnaj vytvorčaści dzieci zmohuć pakaštavać užo ŭ treciaj dekadzie śniežnia. Pra heta ahienctvu «Minsk-Naviny» paviedamiŭ dyrektar Kambinata školnaha charčavańnia Maskoŭskaha rajona Alaksandr Suchinin.
Pryčym rychtavać małočny napoj z suchoj sumiesi buduć nie tolki kuchary ŭ školnych stałovych, ale i kavavyja aŭtamaty. Pieršy taki ahrehat płanujecca pastavić u škole №161.
Mienavita tut siońnia prajšoŭ sieminar pa zdarovym charčavańni dla školnikaŭ z dehustacyjaj napojaŭ, śpiecyjalna raspracavanych pa rekamiendacyi Ministerstva achovy zdaroŭja Respubliki Biełaruś.
Jak raspavioŭ hienieralny dyrektar TAA «Proksimaviest» Ihar Zialony, napoi vyrablajucca na asnovie naturalnaj syraviny biełaruskaj vytvorčaści biez vykarystańnia štučnych farbavalnikaŭ i aramatyzataraŭ.
Jany abahačanyja vitaminami i takimi mikraelemientami, jak jod i sielen. U asartymiencie pradstaŭleny čatyry napoi: bananavy, kłubničny, višniovy i šakaładny.
Udzielnikam sieminara — kiraŭnikam škoł, Kambinata školnaha charčavańnia, pradstaŭnikam administracyi rajona, Hałoŭnaha ŭpraŭleńnia spažyvieckaha rynku Minharvykankama, sanitarnaj słužby — navinka pryjšłasia da spadoby.
— My ŭžo zaklučyli damovu na pastaŭku azdaraŭlenčaha napoju ŭ škoły Maskoŭskaha rajona, — udakładniŭ A. Suchinin. — Napoj nie tolki smačny, ale i karysny. Bo ŭ racyjonie biełarusaŭ nie chapaje kalcyja, jodu i sielenu. I cenavy faktar nas całkam zadavalniaje.
Płanujecca, što ŭ dalejšym da prajektu dałučacca i škoły inšych rajonaŭ Minska.
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary