Sinoptyk Dźmitryj Rabaŭ u efiry telekanała ANT paviedamiŭ, što i kaniec krasavika dy pačatak maja ŭ Biełarusi nie pryniasuć doŭhačakanaha sapraŭdnaha ciapła.
Pa słovach sinoptyka, viasna nibyta zapavoliłasia, i nadvorje ŭ hety pieryjad budzie bolš padobnaje na pačatak krasavika. Čakajecca prachałoda, načnyja zamarazki i viecier, jaki zrobić adčuvańni jašče bolš chałodnymi i syrymi.
Tydzień z 27 krasavika budzie vyznačacca ŭpłyvam cykłonu. U bolšaści rehijonaŭ prahnazujucca daždžy, a na ŭschodzie mahčymy navat mokry śnieh. Viecier — paŭnočny i paŭnočna-zachodni, z paryvami da 15—20 m/s. Tempieratura nočču budzie kala -3…+3°C, dniom — prykładna ad +4 da +11°C.
28 krasavika istotnych źmien nie budzie: zachavajecca chałodnaje i vilhotnaje nadvorje, miescami mahčymy śnieh. U siaredzinie tydnia taksama budzie vobłačna, z apadkami i paryvistym vietram, tempieratura zastaniecca nizkaj.
Peŭnaje źmiakčeńnie nadvorja čakajecca z 30 krasavika: viecier asłabnie i źmienić kirunak, choć karotkačasovyja daždžy ŭsio ž zastanucca. Tempieratura krychu pavysicca — da +6…+12°C dniom.
Na 1 maja nadvorje zastaniecca niestabilnym: mahčymyja nievialikija apadki, nočču kala -1…+5°C, dniom — da +12°C.
U vychodnyja stanie krychu ciaplej, ale biez sapraŭdnaha ciapła: dniom prykładna +9…+13°C, ź pieryjadyčnymi daždžami. U cełym pačatak maja budzie prachałodnym i vilhotnym.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS11
Kamientary