Пасол Сірыі ў Расіі Рыяд Хадад заявіў, што каля 10 тысяч баевікоў, якія ваююць на баку «Ісламскай дзяржавы», з'яўляюцца выхадцамі з краін СНД.
Дыпламат заявіў, што яны ўяўляюць пагрозу для нацыянальнай бяспекі Расіі.
Усяго на тэрыторыі Сірыі, па ацэнцы Хадада, дзейнічаюць да дзвюх тысяч розных тэрарыстычных аб'яднанняў. «Ісламская дзяржава» — самая буйная з іх.
«Калі ваенна-касмічныя сілы Расіі пачалі свае аперацыі, усе дробныя тэрарыстычныя групы адразу аб'ядналіся з ІД. Цяпер у складзе сіл тэрарыстаў каля дзвюх тысяч груповак», — заявіў Хадад.
Ён таксама адзначыў поспехі наземнай аперацыі сірыйскай арміі і паветраных удараў Расіі. Паводле яго слоў, тэрарысты сыходзяць у бок мяжы з Турцыяй. Сірыя пры гэтым каардынуе ўсе свае крокі з Расіяй, заявіў пасол.
Папярэднія ацэнкі колькасці расейцаў і жыхароў СНД, якія ваююць на баку ІД, былі значна ніжэйгымі. Уладзімір Пуцін 16 лістапада заявіў, што ў шэрагах ІД знаходзяцца ад 5 да 7 тысяч выхадцаў з краін СНД.
Першы намеснік міністра ўнутраных спраў Расіі Аляксандр Гаравы на мінулым тыдні удакладніў у інтэрв'ю «Інтэрфаксу», што ўласна расейцаў сярод іх каля 2,5 тысячы.
Кіраўнік МУС Уладзімір Калкольцаў у верасні казаў пра 1,8 тысячы расейцаў, якія ваююць за ІД.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт1
Каментары