Прыхільнікі апазыцыйнага палітыка Аляксея Навальнага падалі ў мэрыю Масквы заяўку на правядзеньне 20 верасьня ў сталіцы масавай акцыі пратэсту.
Апазыцыянэры плянуюць арганізаваць шэсьце па Бульварным кольцы, а затым правесьці мітынг на праспэкце акадэміка Андрэя Сахарава. Заяўленая колькасьць удзельнікаў акцыі — 40 тысяч чалавек.
Кіраўнік дэпартамэнту рэгіянальнай бясьпекі Масквы Аляксей Маёраў пацьвердзіў атрыманьне паведамленьня ад апазыцыянэраў. У сераду або чацьвер сталічная мэрыя плянуе даць адказ на заяўку.
Навальны на мінулым тыдні абвясьціў аб правядзеньні 20 верасьня ў Маскве мітынгу за зьмяняльнасьць улады. Сярод асноўных патрабаваньняў акцыі ўказаны: забесьпячэньне доступу апазыцыі на выбары, спыненьне вайны, адмена цэнзуры, вызваленьне палітвязьняў і барацьба з карупцыяй.
У сваім блёгу Навальны адзначыў, што «шэсьцяў у Маскве не было паўгода — з часу забойства Барыса Нямцова», вялікага мітынгу — паўтара года. На думку палітыка, «варта сабрацца, абмеркаваць важныя рэчы і прадэманстраваць, што мы неяк не вельмі плянавалі жыць у манархіі».
-
Пуцін на закрытай сустрэчы з буйнымі бізнэсменамі прапанаваў ім добраахвотна прафінансаваць вайну з Украінай
-
У ЗША збіраюцца выпускаць даляры з подпісам Трампа
-
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары