Кажа, што цяпер зарабляе каля 25 даляраў на дзень.
Віталь Кандраценка
Блогер Віталь Кандраценка, вядомы пад нікам Вірус, апошнія гады жыве ва Украіне. Ён з’ехаў з Беларусі яшчэ да выбараў, у чэрвені 2020 года, асцерагаючыся адміністратыўнага пратакола. І ўрэшце асеў у Ужгарадзе.
Чытайце таксама: Хто такі блогер-канспіролаг Вірус, які штодня абражае і пляжыць беларускі дэмакратычны рух?
У інтэрв’ю расійскай «Соце» Кандраценка расказаў, што ўладкаваўся ў дастаўку.
«Зараз я займаюся блогам, але, акрамя гэтага, працую ў дастаўцы. То-бок, скажам, я выязджаю і за дзень выконваю 5—6 заказаў, атрымліваю 1200 грыўняў ($27 — НН)», — патлумачыў ён. Вірус кажа, што праца пачынаецца а 10‑й ранку. І недзе ў 16:00 яe ўдаецца скончыць.
Раней Кандраценка расказваў у сваім блогу, што працуе на СТА. Ён выстаўляў здымкі з аўтасэрвісу RS servis, які знаходзіцца на ўскрайку Ужгарада.
Каментары