Пра першы прыезд у Мінск Беньяміна Вальтэра, які ў кастрычніку мінулага года быў прызначаны на пасаду адказнага за Беларусь (Desk Officer) у МЗС Германіі, паведаміла нямецкае пасольства ў Беларусі.
«Мы былі вельмі радыя прыняць нашага калегу Беньяміна Вальтэра падчас яго першай паездкі ў Беларусь. Разам са шматлікімі важнымі перамовамі мы таксама знайшлі час для больш нефармальных спраў. Паглядзіце на нашу спробу зрабіць з нашага госця з Берліна сапраўднага беларуса! Пра што мы забыліся?», — такі пост з'явіўся на фэйсбук-старонцы пасольства.
У апублікаваным роліку паказана, як нямецкі дыпламат частуецца беларускімі стравамі ў рэстаране, п'е беларускія напоі наведвае розныя мінскія лакацыі накшталт Камароўскага рынку.
Якія менавіта справы вырашаў Беньямін Вальтэр у Мінску і з кім з афіцыйных асоб падчас свайго візіту сустракаўся, пакуль не паведамляецца.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары