Павераная ў справах Германіі ў Беларусі ўручыла даверчую грамату Максіму Рыжанкову
Павераная ў справах Германіі ў Беларусі ўручыла даверчую грамату кіраўніку МЗС Беларусі. Пра гэта паведамляе пасольства ФРГ у Мінску ў сваіх сацсетках.
Катрын аус дэм Зіпен і міністр замежных спраў Беларусі Максім Рыжанкоў абмеркавалі «выклікі і перспектывы германа-беларускіх адносін», удакладняецца ў паведамленні пасольства. У канцы сустрэчы міністр падарыў Катрын аўс дэм Зіпен кнігу «Нацыянальны атлас Беларусі».
У паведамленні МЗС Беларусі аб гэтай сустрэчы адзначаецца «гатоўнасць беларускага боку да наладжвання практычнага і раўнапраўнага дыялогу з ФРГ і ЕС».
Па дыпламатычным пратаколе, павераны ў справах акрэдытуецца пры МЗС краіны, у адрозненне ад пасла, чые граматы ўручаюцца кіраўніку краіны.
Папярэдняя часовая павераная ў справах Германіі ў Беларусі Андрэа Віктарын пакінула сваю пасаду ў ліпені 2025 года.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары