Prychilniki apazycyjnaha palityka Alaksieja Navalnaha padali ŭ meryju Maskvy zajaŭku na praviadzieńnie 20 vieraśnia ŭ stalicy masavaj akcyi pratestu.
Apazycyjanery planujuć arhanizavać šeście pa Bulvarnym kolcy, a zatym pravieści mitynh na praspekcie akademika Andreja Sacharava. Zajaŭlenaja kolkaść udzielnikaŭ akcyi — 40 tysiač čałaviek.
Kiraŭnik departamentu rehijanalnaj biaśpieki Maskvy Alaksiej Majoraŭ paćvierdziŭ atrymańnie paviedamleńnia ad apazycyjaneraŭ. U sieradu abo čaćvier staličnaja meryja planuje dać adkaz na zajaŭku.
Navalny na minułym tydni abviaściŭ ab praviadzieńni 20 vieraśnia ŭ Maskvie mitynhu za źmianialnaść ułady. Siarod asnoŭnych patrabavańniaŭ akcyi ŭkazany: zabieśpiačeńnie dostupu apazycyi na vybary, spynieńnie vajny, admiena cenzury, vyzvaleńnie palitviaźniaŭ i baraćba z karupcyjaj.
U svaim blohu Navalny adznačyŭ, što «šeściaŭ u Maskvie nie było paŭhoda — z času zabojstva Barysa Niamcova», vialikaha mitynhu — paŭtara hoda. Na dumku palityka, «varta sabracca, abmierkavać važnyja rečy i prademanstravać, što my niejak nie vielmi planavali žyć u manarchii».
Kamientary