У 1990-х гадах Аляксандр Лукашэнка быў гатовы дапамагчы Слабадану Мілошавічу зенітна-ракетнымі комплексамі С-300 і ваеннымі самалётамі, аднак тагачасны прэзідэнт Югаславіі адмовіўся. Ён не верыў, што НАТО «можа ажыццявіць такую агрэсію».
Пра гэта беларускі кіраўнік заявіў 9 чэрвеня ў інтэрв'ю сербскім СМІ (стэнаграма апублікавана 10 чэрвеня ў белградскай газеце «Политика»).
«Так, шчыра кажучы, мы са сп. Мілошавічам разглядалі такі варыянт дапамогі. І не толькі з С-300, але і самалётамі. Мы распрацавалі і маршруты. Мы знайшлі герояў пілотаў у Беларусі, якія паспрабавалі б непрыкметна прыляцець у Сербію. Гэта была вельмі рызыкоўная, але ж гэта ваенныя самалёты, знішчальнікі, а не грамадзянскія», — сказаў Лукашэнка. Паводле слоў афіцыйнага лідара, у такіх самалётаў абмежаваная далёкасць палёту без дазапраўкі, тым больш калі на борце зброя. Ён сустрэўся з лётчыкамі і акрэсліў усе рызыкі. «Яны сказалі, што гатовы ляцець і прайсці незаўважанымі цераз Украіну, паколькі ведалі там шляхі», — заявіў Лукашэнка.
Слабадан Мілошавіч ад дапамогі адмовіўся, а калі НАТО пачало аперацыю, перапраўляць у Югаславію ЗРК было ўжо позна — пачалася блакада. «Мілошавіч казаў мне: нам бы хоць адзін ваш С-300, і ўсё было б закончана. Я адказаў, што трэба было думаць раней, тым больш што мы прапаноўвалі», — заявіў Лукашэнка.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары