Грамадства2424

Ксёндз Андрэй Рылка: Дзень св. Валянціна ператварыўся ў камерцыйны праект

Сучасны Дзень святога Валянціна стаў прыбытковым для бізнесменаў і забаўляльным для простых людзей камерцыйным праектам. Такое меркаванне выказаў ксёндз Андрэй Рылка на сайце Рымска-каталіцкага касцёла ў Беларусі catholic.by.

Святар нагадаў, што Дзень святога Валянціна, які яшчэ называюць Днём усіх закаханых, традыцыйна святкуюць 14 лютага шмат людзей амаль што ва ўсім свеце. Як мяркуецца, ён названы па імені аднаго з двух пакутнікаў часоў ранняга хрысціянства — Валянціна Інтэрамскага ці Валянціна Рымскага.

«Для многіх закаханых гэты дзень становіцца ледзь не адзіным момантам у годзе, калі яны імкнуцца неяк адмыслова падкрэсліць блізкай асобе, як моцна яе кахаюць», — адзначыў ксёндз Андрэй Рылка.

Ён звярнуў увагу на тое, што для хрысціян гэты дзень становіцца «своеасаблівым выклікам», бо, «відавочна, што масавая культура не канцэнтруецца на рэлігійным аспекце свята».

«Хрысціяне ў адносінах да гэтага дня падзеленыя, — піша святар. — Адны лічаць яго адназначна дрэнным, бо прапагандуе распусту і гэтак далей. Іншыя лічаць, што неабходна змагацца за хрысціянскі характар свята. Прыхільнікі такога погляду прапаноўваюць розныя альтэрнатывы камерцыйным шоу. Напрыклад, выкарыстоўваюць тэматыку гэтага дня, каб паразмаўляць аб хрысціянскім разуменні кахання. Або арганізоўваюцца альтэрнатыўныя хрысціянскія вечарыны, шоу, малітоўныя сустрэчы».

Ксёндз Андрэй Рылка нагадаў, што Рымска-каталіцкі касцёл адмяжоўваецца ад вылучэння гэтага дня, а ўспамін святога Валянціна перасунуты «ў катэгорыю так званых неабавязковых успамінаў». Зараз каталіцкія вернікі 14 лютага адзначаюць свята святых Кірыла і Мяфодзія, «апосталаў і асветнікаў славян».

«Гэта, здаецца, яшчэ больш паглыбляе напружанне сярод вернікаў і душпастыраў, асабліва ў нашай частцы свету. Што рабіць? Ісці за літургічнымі прадпісаннямі і святкаваць дзень святых Кірыла і Мяфодзія? Ці ўсё ж пайсці насустрач масавай культуры, святкуючы святога Валянціна? Можа, хоць так мы здолеем захаваць хрысціянскае аблічча гэтага дня?» — задаецца пытаннем каталіцкі святар.

Каментары24

Цяпер чытаюць

У Мінску перасабралі Ракаўскае прадмесце. Там ужо гуляюць, фатаграфуюцца і ядуць14

У Мінску перасабралі Ракаўскае прадмесце. Там ужо гуляюць, фатаграфуюцца і ядуць

Усе навіны →
Усе навіны

«Пасля нашага з табой пакалення мужыкоў няма». Лукашэнка наракае, што мужчыны-беларусы «стапталіся»23

Патрыярх Кірыл мае падатковы псеўданім Іван Захаравіч Прохараў4

Беларусаў, якія нанеслі свае бізнэсы на карту «Новай Беларусі» і вярнуліся ў краіну, прымушаюць каяцца і клясці Лібера7

Халезін незвычайна параўнаў Шрайбмана і Чалага3

«Давайце будзем паліваць». Лукашэнка расказаў пра эксперымент, які мае вырашыць праблемы з бульбай9

«Вы п**ары, у нас пратэрміноўка». У Мінску бягучы радок на мясной краме ўзбунтаваўся ВІДЭА4

Летась у Расіі затрымалі амаль тысячу чалавек, якіх шукалі ў Беларусі1

У Арлоўскай вобласці Расіі рухнуў вайсковы верталёт, які паляваў на ўкраінскія дроны3

«Не на тым баку чалавечнасці». Нетаньяху абвінаваціў лідараў Брытаніі, Францыі і Канады ў заахвочванні ХАМАС2

больш чытаных навін
больш лайканых навін

У Мінску перасабралі Ракаўскае прадмесце. Там ужо гуляюць, фатаграфуюцца і ядуць14

У Мінску перасабралі Ракаўскае прадмесце. Там ужо гуляюць, фатаграфуюцца і ядуць

Галоўнае
Усе навіны →

Заўвага:

 

 

 

 

Закрыць Паведаміць