«Антымайдан», які сёння разгарнуўся ў цэнтры Кіева, - гэта адказ праўладнай «Партыі рэгіёнаў» на шматтысячную акцыю пратэсту на Майдане Незалежнасці.
Мітынг «за Януковіча» адбываецца на Еўрапейскай плошчы, гэта менш за паўкіламетра ад «сапраўднага» Майдана. Каб прадухіліць правакацыі, сілавікі ўсталявалі свае барыкады паміж мітынгамі. Дарога перакрытая грузавікамі, а перад імі выстаўленыя «беркутаўцы» са шчытамі.
Некалькі сотняў апазіцыянераў стаяць насупраць спецназаўцаў і спяваюць гімн Украіны. Тыя захоўваць спакой.
Яны не пускаюць апазіцыянераў на мітынг «за Януковіча», але і не выпускаюць іх апанентаў за ачапленне.
Удзельнікаў праўладнага мітынгу звезлі ў Кіеў з паўднёвых і ўсходніх рэгіёнаў Украіны. Гэта пераважна бюджэтнікі і работнікі прадпрыемстваў, якія належаць асобам, звязаным з Партыяй рэгіёнаў. Яны не хаваюць, што ўдзельнічаюць у акцыі за грошы. Напрыклад, 12-гадзінная змена каштуе 250 грыўняў (каля 300 тысяч беларускіх рублёў).
Пакуль на сцэне па чарзе выступаюць дэпутаты ад «Партыі рэгіёнаў» і спевакі (засвяціліся і «Песняры»), удзельнікі мітынга займаюцца сваімі справамі - гуляюць у футбол пластыкавымі бутэлькамі, гуляюць на мабільніках ці раскідваюць партыю ў карты.
Фатаграфавацца большасць з іх не хоча, хаваючыся ад аб'ектыва. Гэта немаладыя жанчыны-бюджэтніцы, якія сарамліва адводзяць вочы ў бок. Аднак некаторыя мітынгуючыя, павяселеўшы, наадварот, з ахвотай пазіруюць карэспандэнтам.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт1
Каментары