У большасці краін свету старшыня галоўнага банка краіны — чалавек, ад якога залежыць фінансавая палітыка. Але не ў Беларусі.Традыцыі, закладзенай Пятром Пракаповічам, трымаецца і ягоная наступніца, адна з прадстаўнікоў «шклоўскіх» ва ўладзе Надзея Ермакова. Яе задача зводзіцца да выканання плана, задуманага адміністрацыяй Аляксандра Лукашэнкі, — напрыклад, узняць ці апусціць курсы валют і стаўку рэфінансавання, надрукаваць патрэбны міністэрству прамысловасці аб’ём рублёў і гэтак далей. Аднак нават у гэтых жорсткіх рамках у старшыні Нацбанка застаецца пэўнае поле для манеўраў. А перадусім яна ўплывае на рашэнні прэзідэнта інфармацыяй, якую збірае і падае Нацбанк.
Надзея Ермакова нязменна кіруе саюзам жанчын ўжо 14 гадоў. Пад яе ўладай арганізацыя савецкага тыпу, у якую ўваходзяць 170 тысяч чалавек, застаецца фармальнай установай накшталт прафсаюзаў.
***
Цытата:
«Абутак завозіцца імпартны. Так, ён стане даражэйшым, але нічога страшнага, будзем насіць замест дзвюх пар туфляў адну».
Пра дэвальвацыю, 2011.
***
Аб’ектыўка
Нар. у 1953 у вёсцы Разальмова Хоцімскага раёна. Закончыла Пінскі ўлікова-крэдытны тэхнікум (1971), Беларускі дзяржаўны інстытут народнай гаспадаркі (1978). Працавала крэдытным інспектарам, кіраўніцай магілёўскіх раённых аддзяленняў Дзяржбанка, намесніцай старшыні Шклоўскага райвыканкама, кіраўніком аддзялення «Белаграпрамбанка» ў Шклове. Старшыня Беларускага саюза жанчын ад 1999. У 1996—2011 — намесніца старшыні, пасля старшыня «Беларусбанка». Ад 2011 — кіраўніца Нацбанка.
***
Надзея Ермакова. Топ-7 цікавых фактаў пра галоўную банкірку
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача11
Каментары