Narada demakratyčnych kandydataŭ u deputaty 28 listapada musić vyznačyć novyja formy zmahańnia za svabodu, ličać demakratyčnyja aktyvisty na miescach.
Dalejšaja imitacyja eŭrapiejskich uzoraŭ palityčnaj baraćby va ŭmovach adsutnaści demakratyi viadzie da pravału ŭ 2006 h. I para zabycca pra padzieł na levych i pravych, jak u svoj čas pa-prarocku zaklikaŭ Vasil Bykaŭ.
Prajšoŭ miesiac paśla 17 kastryčnika. Palitolahi napisali artykuły, palityki praviali mižnarodnuju kanferencyju, partyjnyja kiraŭniki pačali ahučvać plany na budučyniu z prycełam na 2006 h., ale pa-raniejšamu niaŭtulna pačuvajucca šarahovyja siabry demakratyčnaha ruchu. Upieršyniu aktyvisty apazycyi ŭbačyli, što značyć poŭnaje vykarystańnie administracyjnaha resursu na ŭsich etapach vybarčaj kampanii, što značyć masavaja falsyfikacyja, čaho varta nazirańnie va ŭmovach pravavoha biaźmiežža i poŭnaj padparadkavanaści vybarčych kamisij vykanaŭčaj uładzie.
Ahučanaja S.Šuškievičam dumka, što vybary ŭ Biełarusi ničoha nie vyrašajuć, — adzinaje, što nahadała ŭ hetaj kampanii pra kiraŭnika BSDH. U asobie sp.Šuškieviča adlustravany ŭsie niedachopy, supiarečnaści, prablemy siońniašniaha demakratyčnaha ruchu na Biełarusi. Adarvanaść partyjnaha kiraŭnictva ad nizavych arhanizacyj, niazdolnaść vieści partyjnaj žyćcio zhodna z demakratyčnymi pryncypami, ihnaravańnie dumki partyjnaj mienšaści, zvyšupeŭnienaść lideraŭ partyj u svajoj biespamyłkovaści stali chraničnymi chvarobami siarod kiraŭnikoŭ roznych kaalicyj i ruchaŭ.
Viadoma, što koniej na pierapravie nie mianiajuć, ale na bolšaści takich partyjnych konikaŭ pierapravu i nie adoleć, a mahčymaść stać tapielcami najvialikšaja. I tamu, pierš čym budavać plany na budučyniu, nam treba realistyčna aceńvać sytuacyju ŭ demakratyčnym asiarodku. Ja pračytaŭ dziasiatki kamentaroŭ partyjnych lideraŭ paśla referendumu i nie adčuŭ ichnaha kłopatu pra šarahovych siabroŭ demakratyčnaha ruchu, jakija stali harmatnym miasam u kampanii 2004 h., u sytuacyi, kali ŭ krainie ŭviedzienaja kantraktnaja systema i ihnarujucca normy kanstytucyjnaha, vybarčaha prava. Siarod maich adnadumcaŭ samaj mocnaj reakcyjaj na masavyja falsyfikacyi stała dumka ab niemetazhodnaści ŭdziełu ŭ baraćbie biaz praviłaŭ, ab nieabchodnaści pošuku novych formaŭ supracivu.
Poŭnaściu hety artykuł možna pračytać u papiarovaj i pdf-versii "Našaj Nivy"
Leanid Haravy,
deputat Haradockaha rajsavietu
Kamientary