Pavodle mižnarodnych normaŭ, rekreacyjnyja zony nacparkaŭ nie pavinny pieravyšać 10% ahulnaj płoščy, a ŭ prajekcie jany zajmajuć amal 26%.
Praduhledžvajecca taksama prakładka 20 km aŭtadaroh i 26 km piešachodnych i rovarnych darožak, što aŭtamatyčna pavialičyć nahruzku na les. Ekolahi i łahojcy krytykujuć prajekt nacparku «Biełaja Ruś».
U biełaruskich padručnikach pa hieahrafii 1985 h. vydańnia raskazvałasia, što ŭ chutkim časie ŭ Łahojskim rajonie budzie stvorany pieršy ŭ respublicy nacyjanalny park «Biełaja Ruś». Prajšło 20 hadoŭ, u krainie stvorany čatyry nacyjanalnyja parki, a padručniki nie pamianialisia, i čutki pra park pa-raniejšamu biantežać miascovych žycharoŭ.
29 kastryčnika ŭ Łahojsku prajšli hramadzkija słuchańni, inicyjavanyja Ministerstvam pryrody, ab stvareńni nacyjanalnaha parku. Upieršyniu ŭ Biełarusi pravodziłasia pracedura hramadzkich słuchańniaŭ adpaviedna patrabavańniam mižnarodnych instrukcyj — apytvalisia i infarmavalisia miascovyja žychary, na žyćci jakich u pieršuju čarhu adabjecca stvareńnie parku.
Ahulnaja płošča nacyjanalnaha parku, pavodle prajektu, składzie bolš za 25 tysiač ha. Miarkujecca, što ŭ jaho skład uvojduć ziemli Łahojskaha lashasu, kałhasaŭ «Pleščanicki», «Kastryčnicki», imia Mašerava, «8 sakavika» i memaryjalnaha muzeju «Chatyń».
Pavodle padlikaŭ prajektantaŭ z Akademii navuk, čysty prybytak ad turyzmu składzie 90—95 tys. u.a. štohod. Adnak pačatkovy kapitał, nieabchodny dla stvareńnia parku, składaje 6,5 miljona u.a.
Vieranika Dziadok, Łahojsk
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary