«Prapanovy pa nadańni Mienskaj vajskovaj vučelni imia Kanstancina Astroskaha zamiest Suvorava ličym absalutna nieprymalnymi»
Juraś Navicki, adzin ź inicyjataraŭ nadańnia Mienskaj vajskovaj vučelni imia Kanstancina Astroskaha, atrymaŭ adkaz ź Ministerstva abarony
«Prapanovy pa nadańni Mienskaj vajskovaj vučelni imia Kanstancina Astroskaha zamiest Suvorava ličym absalutna nieprymalnymi» — paviedamlajecca ŭ aficyjnym adkazie za podpisam načalnika hałoŭnaha ŭpraŭleńnia idealahičnaj raboty Ministerstva abarony hienerał‑majora Alaksandra Hury. U liście havorycca, što zvarot ab pierajmienavańni vučelni byŭ razhledžany na naradzie aficerskaha składu vučylišča i ŭ časie pasiedžańnia hramadzkaha abjadnańnia «Biełaruski Suvoraŭska‑Nachimaŭski sajuz». Aficery i prychilniki Suvorava‑Nachimava, jak vynikaje ź lista, nie ŭchvalili prapanovu, jak nieadpaviadajučuju tradycyjam vučelni. «Takim čynam, uniasieńnie źmianieńniaŭ u nazvu ŭstanovy adukacyi «Mienskaja suvoraŭskaja vajskovaja vučelnia» Ministerstvam abarony nie padtrymlivajecca» — piša hienerał‑major A. Hura. Prykancy lista vajskovy ideolah zaznačaje, što pytańnie vyčarpanaje, a tamu praciah listavańnia na hetu temu spyniajecca.
Siamion Piečanko
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»59
Kamientary