№ 23 (144), 1999 h.
Klub «Śvinoje ryła»
Anarchisty adčynili svoj klub na Vaładarcy
12 vieraśnia adčyniŭ svaje dźviery novy nievialički, ale vielmi specyfičny klub «Śvinoje ryła» (padpolny varyjant — «Rudaja zorka»). Mieścicca jon na Vaładarcy – 7 pad dacham kaviarni «Valeryja». I kali ŭ niadzielu a 6-j viečara vam zachočacca apynucca va ŭtulnaj andehraŭndavaj atmasfery, pasiorbać piva j pahladzieć na pjanyja anarchisckija «ryły», što niaŭkludna pierasoŭvajucca pad huki stylovaha fano, zaprašajem siudy. My z hetaj nahody pahutaryli ź Lolikam Uškinym, adnym sa stvaralnikaŭ klubu.
— Klub — častka ahulnaj kampanii, jakuju pravodzić hazeta «Navinki» dziela papularyzacyi siabie j svajho anarchičnaha stylu. Pryjšła ideja stvareńnia kaviarni, bo anarchisty nikoli nie źbirajucca ŭ niejkich tam hramadzkich centrach. Jany tusujucca ŭ padobnych na našaje miescach.
— A dzie vy, anarchisty, uziali na heta hrošy?
— My prosta damovilisia ź miascovaj dyrekcyjaj, kab źbiracca raz na tydzień, što j haspadaram zabiaśpiečvaje peŭny prybytak. My nia chočam, kab heta zrabiłasia zvyčajnym napivałavam. Kancepcyja takaja: u pieršaj častcy viečara buduć vystupy niejkich aŭtaraŭ, paetaŭ, bardaŭ, pakazy videafilmaŭ, kali dazvolać umovy, a ŭ druhoj častcy budzie panavać atmasfera alternatyŭnaj kaviarni 20-ch hadoŭ, dzie buduć łabać śvinh u duchu niejkaha bandyckaha prytonu. Heta častka našaj estetyki.
— Kali j dzie budzie pravodzicca čarhovy festyval «Razdavim fašysckuju hadzinu!»?
— Zaprašajem usich 23 kastryčnika ŭ Pałac kultury Traktarnaha zavodu. Sioleta my planujem zrabić vyklučna hardkoravuju prahramu — na scenu vyjduć «Deviation», «Hate To State», «Sonca Mao», «Pravakacyja», napeŭna, i našyja dobryja subutelniki ź Picieru «Bandzinski».
— Kolki čałaviek abjadnoŭvaje na siońnia anarchiscki «Čyrvony žond»?
— Heta čysta buržuaznaje pytańnie, u nas niama takoha: členskija ŭznosy, partbilety, partyjnyja štandary tam niejkija... Usio heta — formy buržuaznaha fetyšyzmu. My — antypartyjnaja hrupa!
Hutaryŭ Anatol Prasałovič
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi4
Kamientary