«Ja ščaślivy. Jany vyratavali mnie žyćcio», — prakamientavaŭ Barankoŭ rašeńnie suda.
Sud Ekvadora admoviŭ Minsku ŭ ekstradycyi hramadzianina Biełarusi Alaksandra Barankova, u dačynieńni da jakoha na radzimie viadziecca śledstva, i pastanaviŭ vyzvalić jaho
Barankoŭ z červienia znachodziŭsia pad aryštam u suviazi z zapytam Minska na jaho ekstradycyju.U Biełarusi ŭ dačynieńni da jaho raspačata kryminalnaja sprava ŭ suviazi z padazreńniem u machlarstvie i vymahańni. Barankoŭ zajaviŭ, što jaho žyćciu i zdaroŭju pahražaje niebiaśpieka ŭ vypadku ekstradycyi, i paprasiŭ palityčnaha prystanku. Pavodle śćviardžeńnia biełarusa, jaho pieraśled źviazany z tym, što jon nibyta vałodaje niejkim kampramatam.
«Ja ščaślivy. Jany vyratavali mnie žyćcio», — prakamientavaŭ Barankoŭ rašeńnie suda.
U svaju čarhu advakat Barankova Fiernanda Łara zajaviŭ, što rašeńnie pryniata «sa spaźnieńniem na 82 dni»,
bo jaho padabaronnaha naohuł nie treba było aryštoŭvać.
Sprava Barankova atrymała ahałosku ŭ presie paśla taho, jak Ekvador daŭ palityčny prystanak zasnavalniku sajta palityčnych vykryćciaŭ WikiLeaks hramadzianinu Aŭstralii Džulijanu Asanžu. Tady namieśnik kiraŭnika MZS Ekvadora zajaviŭ, što pry razhladzie spravy Barankova ŭłady krainy buduć najpierš kiravacca nieabchodnaściu zachavańnia pravoŭ čałavieka, jak i ŭ spravie Asanža.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert3
Kamientary