Trahiedyja adbyłasia ŭ Asipovickim rajonie.
U Asipovickim rajonie (Mahiloŭskaja vobłaść) trapiŭ pad ciahnik, paśla čaho skanaŭ ad traŭmaŭ žychar Babrujska.
Jak paviedamili va ŭpraŭleńni ŭnutranych spraŭ na transparcie MUS, 25 červienia ŭ Asipovicki adździeł transpartnaj milicyi pa telefonie ad dziažurnaj pa stancyi Miradzina pastupiła infarmacyja ab tym, što ŭ 23.37 na
Łakamatyŭnaja bryhada padčas jazdy zaŭvažyła čałavieka, jaki lažaŭ u susiedniaj kalainie.
Za 100 mietraŭ ad čyhunačnaha pierajezdu supracoŭniki milicyi vyjavili mužčynu z prykmietami čyhunačnaha traŭmavańnia, jaki lažaŭ u kalainie. Paciarpieły byŭ dastaŭleny ŭ špital z dyjahnazam «amputacyja vierchniaj traciny levaha ściahna, nižniaj traciny pravaj halonki, šyrokija rany brušnaj ścienki, pajaśničnaj vobłaści, askolčaty pierałom čerapa, irvanyja rany hałavy, askolčaty pierałom taza». Niahledziačy na reanimavańnie, 26 červienia ŭ 1.45 ad atrymanych cialesnych paškodžańniaŭ pacyjent pamior.
Pa słovach vidavočcaŭ, da trahiedyi mužčyna ŭ lesie źbiraŭ hryby. Zatym jaho bačyli na terytoryi stancyi ŭ stanie ałkaholnaha apjanieńnia.Pa dadzienym fakcie praciahvajecca pravierka, vyśviatlajucca abstaviny trahiedyi, u tym liku jakim ciahnikom byŭ źbity piešachod. Viadoma, što zahinuły raniej nieadnarazova pryciahvaŭsia da administracyjnaj adkaznaści za pravaparušeńnie, praduhledžanaje art. 17,3 KaAP (raśpićcio ałkaholnych, słabaałkaholnych napojaŭ abo piva ŭ hramadskim miescy abo źjaŭleńnie ŭ hramadskim miescy abo na pracy ŭ stanie apjanieńnia).
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary