У Асіповіцкім раёне (Магілёўская вобласць) трапіў пад цягнік, пасля чаго сканаў ад траўмаў жыхар Бабруйска.
Як паведамілі ва ўпраўленні ўнутраных спраў на транспарце МУС, 25 чэрвеня ў Асіповіцкі аддзел транспартнай міліцыі па тэлефоне ад дзяжурнай па станцыі Мірадзіна паступіла інфармацыя аб тым, што ў 23.37 на
Лакаматыўная брыгада падчас язды заўважыла чалавека, які ляжаў у суседняй каляіне.
За 100 метраў ад чыгуначнага пераезду супрацоўнікі міліцыі выявілі мужчыну з прыкметамі чыгуначнага траўмавання, які ляжаў у каляіне. Пацярпелы быў дастаўлены ў шпіталь з дыягназам «ампутацыя верхняй траціны левага сцягна, ніжняй траціны правай галёнкі, шырокія раны брушнай сценкі, паяснічнай вобласці, аскольчаты пералом чэрапа, ірваныя раны галавы, аскольчаты пералом таза». Нягледзячы на рэанімаванне, 26 чэрвеня ў 1.45 ад атрыманых цялесных пашкоджанняў пацыент памёр.
Па словах відавочцаў, да трагедыі мужчына ў лесе збіраў грыбы. Затым яго бачылі на тэрыторыі станцыі ў стане алкагольнага ап’янення.Па дадзеным факце працягваецца праверка, высвятляюцца абставіны трагедыі, у тым ліку якім цягніком быў збіты пешаход. Вядома, што загінулы раней неаднаразова прыцягваўся да адміністрацыйнай адказнасці за правапарушэнне, прадугледжанае арт. 17,3 КаАП (распіццё алкагольных, слабаалкагольных напояў або піва ў грамадскім месцы або з’яўленне ў грамадскім месцы або на працы ў стане ап’янення).
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне51
Каментары