U Minsku achviarami złačyncaŭ usio čaściej stanoviacca kurjery internet-mahazinaŭ

Tak, u pačatku červienia ŭ milicyju pastupiła paviedamleńnie ad kurjera arhanizacyi anłajn-handlu, jakaja ažyćciaŭlaje prodaž kampjutarnaj techniki i abstalavańnia. 25-hadovy supracoŭnik internet-mahazina viečaram adpraviŭsia da adnaho z damoŭ pa praśpiekcie Pieramožcaŭ, dzie, zhodna z ukazańniem apieratara, jaho pavinna była čakać dziaŭčyna, jakaja zakazała darahi noŭtbuk DELL (prykładny košt zvyš 16 miljonaŭ rubloŭ).

Adnak pa nazvanym adrasie zakazčycy nie akazałasia, zatoje zamiest jaje na leśvičnaj placoŭcy kurjera čakaŭ nieviadomy mužčyna ŭ mascy z proraziami dla vačej. Jak tolki rabotnik słužby dastaŭki vyjšaŭ ź lifta, nieznajomy raspyliŭ jamu ŭ tvar źmieściva hazavaha bałončyka, paśla čaho niejtralizavaŭ udaram u žyvot i źbieh razam z pryznačanym da prodažy noŭtbukam.

Pa hetym fakcie Centralnym (Minska) rajonnym adździełam Śledčaha kamiteta raspačata sprava pa art. 207 Kryminalnaha kodeksa (razboj). Apieratyŭniki ŭpraŭleńnia kryminalnaha vyšuku HUUS Minharvykankama pravodziać kompleks śpiecmierapryjemstvaŭ pa ŭstanaŭleńni asoby napadaŭšaha.

«Heta nie pieršaje takoje złačynstva. Asnoŭnaja prablema kurjeraŭ i kiraŭnikoŭ arhanizacyj anłajn-handlu — žadańnie zekanomić, — raskazvaje načalnik adździeła pa raskryćci majomasnych złačynstvaŭ upraŭleńnia kryminalnaha vyšuku HUUS Minharvykankama Siarhiej Mikulič. — Pryčym nie važna — budzie heta zekanomleny čas, hrošy abo ludski resurs. Tamu rabotniki słužby dastaŭki ŭ pieravažnaj bolšaści vypadkaŭ nakiroŭvajucca da zakazčyka ŭ adzinočku, chacia niaredka viazuć vielmi darahuju aparaturu i nie viedajuć, chto i što ich čakaje pa nazvanym patencyjalnym pakupnikom adrasie.

Mała taho, jość masa prykładaŭ, kali razam z tavaram kurjery majuć pry sabie i vialikija hrašovyja sumy, atrymanyja ad papiarednich klijentaŭ. U vyniku i rabotniki internet-mahazinaŭ, i ich načalniki śviadoma ryzykujuć stać achviaraj rabaŭnika abo machlara.

Milicyja nahadvaje kiraŭnictvu internet-mahazinaŭ i samim kurjeram dva asnoŭnyja momanty pa arhanizacyi biaśpieki pry sustrečy ź mierkavanymi klijentami. Pa-pieršaje, pryznačać sustrečy ŭ ludnych miescach, kali heta adbyvajecca na vulicy. Pa-druhoje, zaŭsiody pry atrymańni zakazu patrabavać ad klijenta numar jaho haradskoha telefona, kab pry ŭźniknieńni sumnieńniaŭ možna było patelefanavać i pravieryć: ci sapraŭdy klijent telefanuje z kvatery, dy i ci klijent heta naohuł.

• 0
• 0
• 0
• 0
• 0
• 0
• 0
• 0