Rezkaje padzieńnie kolkaści prahladaŭ papularnaha multfilma «Hubka Bob Kvadratnyja Štany» (SpongeBob SquarePants) źnižajuć rejtynh telekanała Nickelodeon i mohuć paciahnuć za saboj padzieńnie prahladaŭ inšych prahram na telekanale,
piša hazieta The Wall Street Journal.
Paśla 13 hadoŭ na ekranie multfilm pra havoračuju hubku stračvaje papularnaść: siarod dziaciej ad 2 da 11 hadoŭ za pieršy kvartał hetaha hoda «Hubku Boba» pierastali hladzieć kala 30% hledačoŭ. U suviazi z tym, što multfilm zajmaje kala 40% efirnaha času Nickelodeon, rejtynhi kanała źnizilisia na 25%.
Analityk Sanford C. Bernstein Tod Junhier adznačaje, što padzieńnie papularnaści «Hubki Boba» moža paŭpłyvać i na inšyja prahramy, bo hledačy pačynajuć pastajanna pieraklučać telekanały ŭ pošukach lubimaj prahramy, zamiest taho kab zastavacca na adnym telekanale.
Multfilm pa-raniejšamu hladziać kala dvuch miljonaŭ hledačoŭ va ŭzroście ad 2 da 11 hadoŭ, havorycca ŭ dadzienych kampanii Nielsen.
Pradstaŭnik Nickelodeon pry hetym adznačaje, što «Hubka Bob» zastajecca pieršym u rejtynhu prahram telekanała, niahledziačy na niečakanaje źnižeńnie rejtynhaŭ jašče ŭ vieraśni minułaha hoda.
Niadaŭniaje panižeńnie rejtynhaŭ Nickelodeon – surjoznaja prablema dla jaho maciarynskaj kampanii Viacom. Nickelodeon prynosić kala 15% prybytku Viacom, aceńvaje analityk RBC Capital Markets Devid Benk. Padzieńnie rejtynhaŭ stała pryčynaj źnižeńnia dachodaŭ ad rekłamy na 3%.
Siarod pryčyn, ź jakich «Hubka Bob» stračvaje papularnaść, ekśpierty adznačajuć toje, što multfilm pakazvajuć užo 13 hadoŭ, i jon zajmaje zanadta vialikuju dolu efirnaj sietki.
Nickelodeon admoviŭsia kamientavać krytyku ŭ dačynieńni «Hubki Boba».
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary