Łukašenka raskrytykavaŭ MNS, što zabaraniaje ludziam palić śmiećcie kala chaty
Łukašenka zapatrabavaŭ navieści paradak u vioskach i na pradpryjemstvach.
«Kali nasielnictva nie razumieje, što treba navodzić paradak na svaim učastku i nie kidać, jak heta kaliści było, za płot na kałhasnaje pole, kali heta chtości da hetaha času nie razumieje, to ja skazaŭ: hetaja viasna — termin, i pavinien być paradak», — skazaŭ Łukašenka.
Pry hetym jon asabliva źviarnuŭ uvahu na toje, što miascovyja ŭłady nie pavinny čynić hramadzianam pieraškod padčas ich pracaŭ na prysiadzibnych učastkach, stvarajučy roznyja pradpisańni. «Nie pieraškadžajcie ludziam navodzić paradak na ziamli. Nie treba ludziam zabaraniać spalvać śmiećcie na svaim padvorku.
Vyznačcie dzień, kali chočacie, kali jany mohuć heta rabić. Usio žyćcio ludzi spalvali ŭ siabie ŭ dvarach staryja rečy, hallo — nie, MNS zabaraniła, chodziać pa vioscy, sočać, nie dajuć ludziam navieści paradak. Nu što heta za hłupstva takaja?! Tamu pa ŭsioj krainie nie pieraškadžajcie ludziam», — padkreśliŭ Łukašenka.
Jon taksama źviarnuŭ uvahu miascovych uładaŭ na pryviadzieńnie ŭ paradak niepierśpiektyŭnych viosak. «Treba raźvivać centralnyja siadziby. Viosački treba pryvodzić u paradak. Tady i dzieci starykoŭ paciahnucca ŭ vioski», — skazaŭ jon. «U nas nie zahružanyja staršyni rajvykankamaŭ. Niachaj zojmucca hetym pytańniem», — daručyŭ jon.
Ciapier čytajuć
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2929
Kamientary