Ukraina prapanavała jeŭrapiejskim krainam razam raspracavać novuju sistemu supraćpavietranaj abarony, jakaja pavinna stać bolš tannaj alternatyvaj amierykanskaj Patriot. Inicyjataram vystupaje ŭkrainskaja kampanija Fire Point, jakaja ŭžo vyrablaje drony i rakiety.
Pradstaŭniki Fire Point viaduć pieramovy ź jeŭrapiejskimi partniorami, kab zapuścić novuju sistemu SPA prykładna ŭ 2027 hodzie. Pra heta raskazaŭ ahienctvu Reuters suzasnavalnik i hałoŭny inžynier kampanii Dzianis Štylerman.
Hałoŭnaja meta prajekta — značna źnizić košt pierachopu pavietranych celaŭ. Zaraz adna rakieta dla kompleksu Patriot kaštuje miljony dalaraŭ, i časta dla źniščeńnia adnoj celi treba niekalki takich rakiet. Ukrainski bok choča davieści košt da mienš jak 1 miljona dołaraŭ za pierachop, što mahło b stać surjoznym praryvam.
Dla hetaha płanujecca supracoŭnictva ź jeŭrapiejskimi kampanijami ŭ śfiery radaraŭ, naviadzieńnia i suviazi. Siarod mahčymych partnioraŭ nazyvajucca dackaja kampanija Weibel Scientific, niderłandskaja Hensoldt, šviedskaja Saab, francuzskaja Thales Group.
Paralelna kampanija raźvivaje ŭłasnuju vytvorčaść: u Danii rychtujecca zapusk zavoda pa vypusku rakietnaha paliva.
Ekśpierty adznačajuć, što prajekt vielmi ambicyjny i realizavać jaho ŭ takija karotkija terminy budzie składana. Adnak popyt na bolš tannyja sistemy SPA ŭ śviecie vysoki, tamu navat mienš efiektyŭnaja, ale tannaja alternatyva moža być zapatrabavanaj.
Akramia SPA, kampanija taksama pracuje nad novymi rakietami i dronami, jakija ŭžo vykarystoŭvajucca ŭ vajnie i mohuć u budučyni pastaŭlacca na ekspart.
«Zroblena chatnimi haspadyniami». Kiraŭnik Rheinmetall pahardliva vykazaŭsia pra ŭkrainskija drony, ukraincy jamu adkazali
«Hety ŭdar ciažka pieraacanić». Čym unikalnaja ataka «Fłaminha» na zavod u Votkinsku
Va Ukrainie pakazali, jak zapuskajuć rakiety «Fłaminha» VIDEA
Ukrainskaja rakieta «Fłaminha» ŭ niečym lepšaja za amierykanskija «Tamahaŭki»
Što viadoma pra kryłatuju rakietu «Fłaminha». Ci dastanie jana da Maskvy i vytvorčaściaŭ šachiedaŭ?
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary