Juryj Čyž pačaŭ budaŭnictva hipiermarkieta ŭ Kamiennaj Horcy. Ź litoŭcami?

Retejłavyja sietki ŭsurjoz padstupajucca da novaha, vializnaha mikrarajona Kamiennaja Horka. Niepadaloku hatovaja pačać budaŭnictva «Ałmi», užo adkryŭsia «Vitalur». Ciapier

kala adnajmiennaj stancyi mietro, na skryžavańni vulic Prytyckaha i Kuncaŭščyna pačałosia budaŭnictva handlova-zabaŭlalnaha kompleksu.

Vykinuty «Hipa»

Zhodna ź inviestycyjnymi płanami Minharvykankama, na skryžavańni Prytyckaha-Kuncaŭščyny mieŭsia być pabudavany handlova-zabaŭlalna centr z handlovaj płoščaj nie mienš za 21 tysiaču kvadratnych mietraŭ. Heta b byŭ adzin z samych vialikich abjektaŭ u stalicy. Dla paraŭnańnia, «Karona» zajmaje ŭdvaja mienšuju, a «Prastory» — u try z pałovaj razy mienšuju terytoryju. Inviestaram paznačany anhlijski «Biełvilesden», inšymi słovami, na praciahu niekalki hadoŭ adkryŭsia b hipiermarkiet «Hipa». Učastak dla budaŭnictva byŭ vydzieleny jašče niekalki hadoŭ tamu, hramadstvu było pradstaŭlena čatyry samyja roznyja prajekty, adnak, jak vyjaviłasia ciapier,

dyrektar «Biełvilesdena» Aleh Baranoŭski byŭ vymušany addać pierśpiektyŭnuju placoŭku.

Nastupnym pretendentam na miesca nazyvaŭsia «Prastormarkiet» Juryja Čyža.

Adnak miljanier užo maje vydzielenuju placoŭku na skryžavańni Prytyckaha i MKADa — taksama ŭ Kamiennaj Horcy, ale za kiłamietr ad mietro.

Litoŭskija hości

Pakul što na budoŭli nie visić pašparta abjekta, na jakim pavinna znachodzicca infarmacyja pra padradčyka i vykanaŭcu pracaŭ.

Pa słovach budaŭnikoŭ, zabaŭlalny centr budzie naležyć adnoj ź litoŭskich sietak.

Miesiac tamu ahienctva «Minsk-Naviny» raspaŭsiudziła infarmacyju, što ŭ stalicu pryjdzie litoŭskaja sietka kramaŭ Maxima, jakaja pradstaŭlenaja, u pryvatnaści, u viadomym vilenskim «Akropalisie». Paśla taho, jak litoŭcy nibyta abvierhli hetyja źviestki, čynoŭniki ŭdakładnili — u krainu pryjdzie inšaja litoŭskaja kampanija, «Hlera Kapa», ułaśniki jakoj raniej pracavali ŭ Maxima. A ŭ pačatku miesiaca Maxima usio ž zarehistravała damiennaje imia sajta maximabelarus.by, uskosna paćvierdziŭšy svaje namiery vyjści na biełaruski rynak. Ci nasamreč na Kamiennaj Horcy źjavicca samy viadomy litoŭski hipiermarkiet, ci to inšaja sietka, «Naša Niva» pasprabuje daviedacca ŭ Minharvykankamie ŭ najbližejšyja pracoŭnyja dni.

Adnak intares ujaŭlaje i toje, na kaho ŭ Biełarusi vyrašyli abapiercisia litoŭcy.

Rukami Čyža?

Pavodle infarmacyi «Našaj Nivy», pracy na abjekcie viadzie ZAAT «Mahnus hrup». Hetaja kampanija stvoranaja na bazie litoŭskich budaŭničych arhanizacyj i filii «Budaŭničaje ŭpraŭleńnie» AAT «Trajpł» Juryja Čyža.

Abjekty, na jakich pracavaŭ «Mahnus hrup» kažuć sami za siabie — dva hipiermarkiety «Prastor», restaran «Rakaŭski brovar», harnałyžny kompleks «Łahojsk»… Usio heta ŭłasnaść Juryja Čyža. Što da prajektavanych budynkaŭ, to ŭ śpisie dasiahnieńniaŭ kampanii handlova-zabaŭlalny kompleks kala «Minsk-Areny» (taksama trajpłaŭski), stadyjon BATE ŭ Barysavie, a taksama jakraz handlovy budynak «Kamiennaja Horka» na 80 tysiač kvadratnych mietraŭ. Rendar, pryviedzieny na karcie, adnosicca mienavita da toj častki rajona, na jakim pačalisia pracy.

• 0
• 0
• 0
• 0
• 0
• 0
• 0
• 0