Siarod inšaha jaho abaviazali być doma z 8 viečara da 7 ranicy, zabaroniena pakidać horad biez dazvołu milicyi.
U sudzie Maskoŭskaha rajona Minska prajšoŭ praces suprać byłoha viaźnia Płoščy Paŭła Vinahradava — adnaho ź lidaraŭ moładzievaha kryła kampanii «Havary praŭdu».
Jamu pamianiali umovy adbyćcia pakarańnia. Pavodle pazovu milicyi Maskoŭskaha rajona Minska ŭ
dačynieńni da Vinahradava ŭviali režym previentyŭnaha nahladu na 2 hady, siarod inšaha — abaviazać jaho być doma z 8 viečara da 7 ranicy, zabaroniena pakidać horad biez dazvołu milicyi.
Milicyja matyvavała heta tym, što Vinahradaŭ praciahvaje kantaktavać z pakaranymi sudom asobami, što jon nie pracaŭładkavaŭsia i pryciahvaŭsia da administracyjnaj adkaznaści.
Paŭła Vinahradava niekalki razoŭ zatrymlivała milicyja nibyta za brydkasłoŭje. Usiaho z pačatku hodu jon pravioŭ u Centry izalacyi pravaparušalnikaŭ na Akreścina 25 sutak.
Spravu razhladała sudździa Taćciana Motyl, jakaja ŭžo sudziła moładzievych aktyvistaŭ.
Raniej previentyŭny nahlad terminam na adzin hod byŭ uviedzieny suprać inšaha viaźnia Płoščy — Uładzimira Jaramienka.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary