Specsłužby raspačali novuju chvalu cisku na niezarehistravany «Małady front». U dačynieńni da dvuch aktyvistaŭ arhanizacyi zaviedzienaja kryminalnaja sprava, adnačasova pa ŭsioj krainie adbyvajucca masavyja dopyty siabraŭ moładzievaha ruchu.
Specsłužby raspačali novuju chvalu cisku na niezarehistravany «Małady front». U dačynieńni da dvuch aktyvistaŭ arhanizacyi zaviedzienaja kryminalnaja sprava, adnačasova pa ŭsioj krainie adbyvajucca masavyja dopyty siabraŭ moładzievaha ruchu.
Sa śviedkaŭ u padazravanyja
12 sakavika aktyvisty niezarehistravanaha «Maładoha frontu» Nasta Pałažanka dy Alaksiej Janušeŭski byli pierakvalifikavanyja sa śviedki ŭ padazravanych. Im zakidajecca ŭsio toj ža art. 193-1 (udzieł u niezarehistravanaj arhanizacyi). Spravu viadzie śledčy mienskaj haradzkoj prakuratury Siarhiej Hrachoŭski. Alaksieja dapytvali ŭ paniadziełak – «hutarka» ŭ haradzkoj prakuratury raściahnułasia na čatyry hadziny. Nastu dapytvali siońnia ŭ prysutnaści baćki i sacyjalnaha pedahoha himnazii, dzie vučycca dziaŭčyna. Lidery arhanizacyi nie vyklučajuć, što u bližejšy čas padzielać los Pałažanki i Janušeŭskaha.
«Cpis Pałažanki»
13 sakavika supracoŭniki haradzienskaha KDB naviedali haradzkija navučalnyja ŭstanovy, dzie pahutaryli ź piaćciu dziaŭčynami. Ź niepaŭnahadovymi Volhaj Smalančuk, Jaŭhienijaj Šaścierakovaj dy Volhaj Hałubiec razmaŭlali ŭ ichnych škołach. Z Chryścinaj Marčuk i dziaŭčynaj, čyjo imia nieviadomaje, razmaŭlali ŭ dekanacie filalahičnaha fakultetu ŭniversytetu.
Dziaŭčatam paviedamili, što ich imiony byli ŭ skanfiskavanym padčas pieratrus na kvatery Nasty Pałažanki śpisie. Nieviadomaja dziaŭčyna pry hetym zajaviła, što nia maje nijakaha dačynieńnia da arhanizacyi. Kadebešnikaŭ cikavili źviestki pra arhanizacyju – siabroŭstva, statut, staršynioŭstva i h. d. Pytańniaŭ pra budučyja akcyi apazycyi nie zadavali.
Mahiloŭskija dopyty
U Mahilovie ciaham apošnich dzion na dopyty ŭ miascovy KDB vyklikali siem čałaviek. Śledčych Hrybajłu, Iščynku dy Kurpačenku cikavili tyja ž pytańni, što i ichnych haradzienskich kalehaŭ: abłasnyja dy staličnyja struktury «MF», chto kiruje arhanizacyjami, jakoje dačynieńnie da arhanizacyi maje asabista toj, kaho dapytvajuć. Antona Uścimčuka, Tacianu Bułanavu, Maksima Azarava i niepaŭnanahadovaha Raścisłava Pankratava dapytvali ŭ jakaści śviedak pa spravie «dziejnaści ad imia niezarehistravanaj arhanizacyi». Z mahiloŭskaj speckamendatury ŭ abłasny KDB vyklikali na dopyt Artura Fińkieviča, jaki adbyvaje pakarańnie za palityčnaje hrafici. Učora byŭ dapytany Kiryła Paražynski. Kryścina Šacikava čakaje vykliku na dopyt.
13 sakavika ŭviečary Anton Uścimčuk byŭ zatrymany z pakunkam ulotak da śviatkavańnia ŭ Miensku Dnia Voli. Razam ź im byŭ zatrymany Andrej Dźvihun, jakoha paśla pravierki dakumentaŭ adpuścili.
Dopyt mastoŭskaha deputata
U Mastach u jakaści śviedki dapytali deputata miascovaha rajonnaha savietu Źmitra Kuchleja. Dziela hetaha z Vaŭkavysku admysłova pryjechaŭ major KDB Vasil Barysik. Dopyt adbyvaŭsia ŭ rajonnaj prakuratury. Majora Kamitetu dziarbiaśpieki cikavili pytańni, datyčnyja Korbana i Chviedaruka, dy ahulnaja infarmacyja pra dziejnaść arhanizacyi.
U Žłobinie dapytvali na zahad ź Miensku
Supracoŭniki miascovaj upravy KDB dapytali byłoha aktyvista niezarehistravanaha «Maładoha frontu» Eduarda Zielankova. U jakaści śviedki jaho niekalki hadzinaŭ vypytvali pra kiraŭnictva arhanizacyi, pra dziejnaść moładzievaha ruchu. Dopytam kiravaŭ homielski supracoŭnik KDB, jaki spasyłaŭsia na zahad sa stalicy. Taksama były dapytanyja jašče niekalki aktyvistaŭ arhanizacyi, siarod jakich niepaŭnahadovy Kirył Atamančyk, jaki na dopyt źjaviŭsia razam z baćkam. 14 sakavika adbudziecca dopyt šerahu žłobinskich moładzievych aktyvistaŭ.
Nahadajem, što kryminalnaja sprava ŭ dačynieńni da lideraŭ niezarehistravanajarhanizacyi «Małady front» Źmitra Fiedaruka dy Aleha Korbana pavodle art. 193-1 «Dziejnaść ad imia niezarehistravanaj arhanizacyi» była raspačataja 4 lutaha. U toj dzień adbyłosia masavaje zatrymańnie rehijanalnych lideraŭ arhanizacyi.
Niahledziačy na toje što padčas apošnich dopytaŭ bolšaści dapytanych zadavali ahulnyja pytańni pra dziejnaść arhanizacyi, siabry niezarehistravanaha «Maładoha frontu» ŭpeŭnienyja, što rezkaje ŭzmacnieńnie represijaŭ, vidavočna źviazanaje z budučymi akcyjami, jakija adbuducca 19 i 25 sakavika.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary