Vydalić tłušč tańniej, čym pavialičyć hrudzi.
Pavodle spravazdačy ISAPS, samyja papularnyja płastyčnyja apieracyi va ŭsim śviecie ŭ žančyn — lipasakcyja (vydaleńnie tłušču) i mamapłastyka (apieracyja na hrudziach), u mužčyn — blefarapłastyka (padciažka paviekaŭ) i lipasakcyja. Taksama ŭ ahulnym topie apynulisia rynapłastyka i abdaminapłastyka (apieracyi na nosie i žyvacie adpaviedna).
U Biełarusi nazirajucca padobnyja tendencyi. Da pieraličanych pracedur śpiecyjalisty taksama dadajuć atapłastyku (karekcyju vušnych rakavin).
Myfinby pryvodzić aryjencirovačnyja ceny na płastyku ŭ Biełarusi:
1. Blefarapłastyka: 2 400 — 3 600 BYN.
2. Mamapłastyka: 6 000 — 18 000 BYN.
3. Lipasakcyja: 1 600 BYN.
4. Rynapłastyka: 5 500 BYN.
5. Atapłastyka: 1 800 BYN.
Estetyčnyja chirurhija ŭ Biełarusi płatnaja, ale jość i biaspłatnaja płastyka.
«U bolšaści ludziej płastyčnaja chirurhija asacyjujecca tolki z estetykaj: padciažka tvaru, pavieličeńnie hrudziej, lipasakcyja i hetak dalej. Ale jana moža być i rekanstruktyŭnaj, nakiravanaj na adnaŭleńnie funkcyj paśla traŭmaŭ i ankałahičnych apieracyj. Ź jaje dapamohaj možna vypravić defiekty miakkich tkanak, kostak, častak cieła i h.d. Jość i ekstranaja chirurhija, jakaja pracuje z nastupstvami traŭmatyčnych amputacyj palcaŭ, kiściaŭ, kaniečnaściaŭ.
Rekanstruktyŭnaja chirurhija — jak ekstranaja, tak i płanavaja — dla biełarusaŭ biaspłatnaja. Da takich apieracyjach adnosicca i rekanstrukcyja hrudziej paśla lačeńnia ankałohii», — prakamientavaŭ Myfinby Dźmitryj Ładućka, zahadčyk adździaleńnia mikrasasudzistaj i rekanstruktyŭnaj chirurhii MNPC chirurhii, transpłantałohii i hiematałohii.
Ciapier čytajuć
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary