A paśla jašče pahražała zajavić u milicyju pra zhvałtavańnie.
U Minsku miascovaja dziaŭčyna abrabavała kavalera z Rasii. Jak rastłumačyli ŭ milicyi, kampanija rasijskich hramadzianaŭ prybyła ŭ Minsk, dzie hości stalicy nabyli aŭtamabili. Paśla hetaha rasiejcy zazirnuli ŭ adzin sa staličnych kłubaŭ, dzie paznajomilisia z tryma dziaŭčynami.
Jany adrazu ž zaprasili novych znajomych u hości na zdymnuju kvateru.Paśla sumiesnaha adpačynku, kali dziaŭčyny ŭžo syšli, adzin z rasiejcaŭ vyjaviŭ, što ŭ jaho źnikli hrošy. Jon nie staŭ adrazu paviedamlać u milicyju, bo mierkavaŭ, što straciŭ najaŭnyja praz svajo apjanieńnie.
Praź niekalki dzion siabry znoŭ zaprasili tych ža dziaŭčyn u hości.
Pierad sychodam adna ź biełarusak vyrašyła zazirnuć u kašalok svajho kavalera.Hości stalicy tut ža vykryli jaje i apytali, uklučyŭšy dyktafon. Dziaŭčyna pahražała zajavić pra zhvałtavańnie, ale heta nie pryniesła čakanaha efiektu. Paciarpieły hetym razam vyklikaŭ milicyju.
Ciapier u dačyjeńni 17-letniaj dziaŭčyny zaviedziena kryminalnaja sprava za kradziež.
Ciapier čytajuć
«Liču, što heta maja misija». Biełaruskamoŭny Pavieł z DCP vyklikaŭ chvalu zachapleńnia, zajzdraści i lubovi1
Kamientary