Biełarusam pakažuć kubinskija teleseryjały dy kolki filmaŭ pra Fidela.
U chodzie vizytu delehacyi Nacyjanalnaj dziaržaŭnaj teleradyjokampanii Respubliki Biełaruś na čale ź pieršym namieśnikam staršyni Alaksandram Sałamacham na Kubu Biełteleradyjokampanija i Kubinski instytut radyjo i telebačańnia namiecili kankretnyja napramki supracoŭnictva.
Adbylisia rabočyja sustrečy členaŭ biełaruskaj delehacyi z pradstaŭnikami kiraŭnictva Kubinskaha instytuta radyjo i telebačańnia. Na sustrečach abmiarkoŭvalisia napramki i formy ŭzajemadziejańnia bakoŭ, vyznačanyja pahadnieńniem ab supracoŭnictvie pamiž Nacyjanalnaj dziaržaŭnaj teleradyjokampanijaj Biełarusi i Kubinskim instytutam radyjo i telebačańnia, padpisanym u Miensku ŭ listapadzie minułaha hodu. Delehacyja Biełteleradyjokampanii prainfarmavała prezydenta Kubinskaha instytuta radyjo i telebačańnia Ernesta Łopesa i pradstaŭnikoŭ kiraŭnictva instytuta ab rabocie Biełteleradyjokampanii, jaje techničnym patencyjale, perspektyvach raźvićcia i planach raboty na budučaje.
Baki damovilisia ab abmienie televizijnymi prahramami roznaj tematyki, stvareńni pieradačaŭ, pryśviečanych Biełarusi i Kubie na telekanałach krainaŭ, aperatyŭnym pradastaŭleńni infarmacyjnych materyjałaŭ pa aktualnych prablemach, vykarystańni mahčymaściaŭ spadarožnikavych telekanałaŭ «Biełaruś‑TB» i Cubavision Internacional dla pieradačy telesiužetaŭ ab žyćci krainaŭ, uzajemadziejańni ŭ halinie nabyćcia i pakazu kubinskich i biełaruskich telesieryjałaŭ, abmienie žurnalistami i tvorčymi hrupami, praviadzieńnie Dzion biełaruskaha i kubinskaha telebačańnia i radyjo i inšych mierapryjemstvach. Akramia taho, delehacyja Biełteleradyjokampanii na sustrečy z namieśnikam ministra zamiežnych spraŭ Respubliki Kuba Markasam Radryhuesam zajaviła ab hatoŭnaści biełaruskaha boku da raźvićcia ŭzajemadziejańnia ŭ infarmacyjnaj sfery. Pradstaŭnik MZS Kuby vykazaŭ namier sadziejničać u realizacyi padpisanaha ŭ Miensku pahadnieńnia ab supracoŭnictvie.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary