Novaje vydańnie seryi «Kniharnia «Naša Niva»
Rudkoŭski Piotra. Paŭstańnie Biełarusi. Vilnia: Instytut biełarusistyki, 2007. — 252 s. (Kniharnia «Naša Niva»).
Vyjšła druhaja ŭ seryi knih, prymierkavanaj da 100-hodździa "Našaj Nivy". Pieršaj była paezija Andreja Chadanoviča. Druhuju skłała eseistyka Piotry Rudkoŭskaha.
U pradmovie da knihi hałoŭny redaktar časopisu «Arche» Valer Bułhakaŭ paraŭnaŭ Piotru Rudkoŭskaha z Maksimam Bahdanovičam: «i pieršy, i druhi adrazu pa prychodzie ŭ biełaruskaje piśmienstva (pieršy [Bahdanovič] – u pryhožaje, a druhi — užo ŭ intelektualnaje) radykalna źmianili jaho styl i zaniali ŭ im viadučyja pazycyi».
Sam aŭtar zaznačaje, što kniha adrasavanaja tym, «chto vieryć u budučyniu Biełarusi. Siarod tych, chto vieryć u Biełaruś, možam znajści pravych i levych, liberałaŭ i kanservataraŭ, biełaruskamoŭnych i rasiejskamoŭnych i rasiejskamoŭnych, apazycyjaneraŭ i, mahčyma, prychilnikaŭ aficyjnaha kursu». «My pa-roznamu vierym u Biełaruś, i ŭ hetaj roznaści niama ničoha drennaha».
Kniha składajecca ź dźviuch častak.
Pieršaja — «Siniavokaja Biełaruś z čyrvona-zialonym tvaram» — składajecca z raździełaŭ «Baza i nadbudova biełaruskaha aŭtarytaryzmu» i «Ci mahčymy dyjaloh pamiž uładaj i demakratyčnaj apazycyjaj».
U druhuju častku — «Vidarysy novaj Biełarusi» — uvajšli raździeły: «Paradoksy Zianona, abo jak Paźniak staŭ zakładnikam historyi», «Niepaźniakoŭskija hramadzkija prajekty», «Relihijnaja sytuacyja ŭ Biełarusi — stan, tendencyi i perspektyvy», «Panskaja Polšča i biaspanskaja Biełaruś» dy inš.
Treci raździeł — «Paŭstańnie na Kastryčnickaj płoščy», a zamiest zakančeńnia drukujecca propaviedź «Tajamnica biełaruskaha adradžeńnia», skazanaja ŭ Krakavie 28 sakavika 2006 h. padčas imšy za biełaruski narod.
Šukajcie ŭ niezaležnych raspaŭsiudnikaŭ.
Kamientary