Niadziela hierojaŭ
Šedeŭr Čžana Imoŭ, u jakim skandensavanyja ŭsie dasiahnieńni kitajskaha kino – i ŭsia imperskaja vielič Padniabiosnaj. Kožny koler – na svaju historyju (aperatar Krystafer Dojł), kalihrafičnyja medytacyi bajoŭ, i čałaviečy los – jak drabniutka dziaržaŭnaha hijerohlifu.
Hieroj (Ying xiong)
Kitaj, 2002, kalarovy, 99 chv.
Režyser: Čžan Imoŭ
Roli vykonvajuć: Džet Li, Doni Jien, Mehi Čun, Toni Lun, Czyi Čžan
Žanr: Historyka-filazofskaja drama, metafizyčny ŭschodni bajavik
Adznaka: 9,5 (z 10)
Kitaj nakonadni abjadnańnia ŭ imperyju. Dla kiraŭnika krainy surjoznuju niebiaśpieku ŭjaŭlajuć najomnyja zabojcy “Złamany mieč”, “Vialikaje nieba” i “Latučy śnieh”.
Ale adnojčy da imperatara prychodzić hieroj bieź imieni, jaki raspaviadaje, što źniščyŭ vorahaŭ imperatara. Ale jość jašče adzin vorah – i schavanaja pastka dla kožnaha.
Šedeŭr Čžana Imoŭ, u jakim skandensavanyja ŭsie dasiahnieńni kitajskaha kino – i ŭsia imperskaja vielič Padniabiosnaj. Kožny koler – na svaju historyju (aperatar Krystafer Dojł), kalihrafičnyja medytacyi bajoŭ, i čałaviečy los – jak drabniutka dziaržaŭnaha hijerohlifu.
Naminacyi na premii “Załaty miadźviedź”, “Oskar”, “Załaty hlobus”.
Čerčyl idzie na vajnu! (Churchill: The Hollywood Years)
Vialikabrytanija, 2004, kalarovy, 84 chv
Režyser: Piter Ryčardsan
Žanr: Iraničnaja kamedyja
Roli vykonvajuć: Džon Kułšoŭ, Krystyjan Słejter, Ramani Małka, Niŭ Kempbeł, Miranda Ryčardsan, Vik Ryŭz
Adznaka: 6 (z 10)
U Halivudzie vyrašajuć ekranizavać žyćcio Ŭinstana Čerčyla. Ale brytanski premjer vyhladaje dla pradusaraŭ zanadta “habarytna”. Na rolu Čerčyla zaprašajuć pryhažuna-supermena (Krystyjan Słejter).
Suśvietnaja historyja… u halivudzkim styli. Psychapat Hitler, jaki zalacajecca da pryncesy Elizabety, nacysty ŭ Bukinhiemskim pałacy – i amerykanski zuch Čerčyl, jaki daje dychtu ŭsim voraham...
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni22
Kamientary