Na "Ładzie" – prapahanda dziciačaha teraryzmu!
Biełaruskija revalucyjnyja filmy vielmi niebiaśpiečnyja. Asabliva, kali jany pryznačanyja dla dziaciej...
Karcina 1956 hodu “Mikołka-paravoz”, pastaŭlenaja pavodle knihi Michasia Łyńkova – heta prapahanda hniusnych antydziaržaŭnych pavodzinaŭ, skiravanaja da samaj uraźlivaj – dziciačaj – aŭdytoryi. Dzietak vučać: 1) raskidvać apazycyjnyja ŭlotki; 2) zryvać hanarovyja sustrečy cara-baciuchny (dla hetaha treba zakinuć dochłuju košku ŭ trubu); i – narešcie – maładych hramadzianaŭ kvitniejučaj Biełarusi padbivajuć da pieravozki zbroi (!) pad vyhladam pachavalnaj pracesii.
Revalucyjnyja pryhody chłopčyka Mikołki pad kiraŭnictvam recydyvista-dzieda pastaŭlenyja znaŭcam dziciačaje psychalohii Levam Hołubam, što tolki abciažarvaje praviny. Siońnia kožny biełaruski partyzanski film – heta zaklik da padryŭnych dziejańniaŭ…
Miłaje dziciačaje kino, aktualnaje z kožnym dniom usio bolej i bolej.
“Ład”, 13.30
“Mikołka-paravoz”
Biełaruś, 1956, kalarovy, 85 chv.
Režyser: Leŭ Hołub
Roli vykonvajuć: V.Huśkoŭ, H.Humileŭski, Ł.Ivanova, N.Barmin, S.Chackievič, A.Białoŭ, S.Troicki
Žanr: Dziciačyja pryhody pavodle adnajmiennaha ramanu Michasia Łyńkova
Adznaka: 6 (z 10)
Jość rasiejskamoŭnaja – i biełaruskamoŭnaja versija “Mikołki-paravoza”. Ale, najchutčej, pakazana budzie rasiejskamoŭnaja.
Telekanał “Ład” paradavaŭ hustoŭnaju pieradačaju. 45-chvilinnaja “Prosta prahrama” idzie pa sieradach uviečary. Jana nia maje dakładnaj pryviazki da kankretnaha času i, u zaležnaści ad tydnia, moža źjavicca a 22.30 ci ŭ 00.15 – ale henuju prahramu varta nie prapuścić.
Pa-pieršaje, pieradača idzie na dobraj biełaruskaj movie, što našymi časami ŭžo vyhladaje sensacyjaj.
Pa-druhoje, hetaja pieradača dobra zroblena. Aŭtarka i viadoŭca Aksana Viečar viadzie ŭ trapna aformlenaj studyi hutarku z zaprošanym hościem. U hutarku ŭplatajucca mini-filmy, interviju-apoviedy, animacyja.
Ale televizijny kalaž u prahramie Aksany Viečar – majsterski j naturalny. Paćviardžajecca staroje praviła: na televizii cikavyja tyja pieradačy, aŭtary jakich jość asobami.
Chacia tvor Aksany Viečar ścipła nazyvajecca “Prosta prahrama” – heta nia prosta prahrama, a padarunak dla ŭsich, chto zhaładaŭsia pa narmalnaj biełaruskaj televizii.
“Ład”, 22.30
"Prosta prahrama"
Biełaruś, 2007, kalarovaja i čorna-biełaja, 45 chv.
Aŭtar i viadoŭca: Aksana Viečar.
Pahladzicie – nie paškadujecie!
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary