Kali "Hazprom" udaryć pa adnoj ščace...
A našto ž było ratavać rename prahnych maskoŭskich aliharchaŭ? Zrešty, kali skazać, što nasamreč ratavali, atrymajecca zusim niepryhoža. Piša Alaksandar Kłaskoŭski.
Cikava nazirać, jak vykručvajecca aficyjnaja prapahanda ŭ źviazku z darahim hazam dy prodažam pałovy sakralnaje "truby".
Prapahanda — reč dubovaja. Jana praktyčna nia viedaje paŭtonaŭ, hulni sensaŭ, ironii... A tut uvohule źbilisia ŭsie aryjentyry.
I tamu zaraz, kali načalstva by myła źjeŭšy, jaje, prapahandu, chistaje z boku ŭ bok. Ad Chrystovych pastulataŭ da bazarnaj łajanki.
Z adnaho boku, vyśviatlajecca, što ŭ biełaruskim uradzie asłupianieć jakija altruisty! Ci adepty Isusa. Ich "Hazprom" pa adnoj ščace laś, a jany z rachmanaju ŭśmieškaj padstaŭlajuć druhuju...
Lejtmatyŭ pieršych paślanavahodnich telesiužetaŭ — jak Miensk uratavaŭ imidž rasiejskaha manapalista ŭ vačoch Eŭropy. A samu Eŭropu — ad pierabojaŭ z dastaŭkaju błakitnaha paliva.
I adrazu ž — heta nazyvajecca płaŭny pierachod! — kamentatary zaznačajuć, jakija prahnyja dy cyničnyja tyja rasiejskija manapalisty. Dyj Eŭropa dobraja caca: sankcyjami bje. Karaciej, užo pa abiedźviuch ščakach adrazu dastajem, a ŭsio praciahvajem rachmana ŭśmichacca!
Choć ty kananizuj.
A našto ž było ratavać rename maskoŭskich aliharchaŭ? Na hetaje prostaje pytańnie adkazu niama. Zrešty, kali skazać, što nasamreč ratavali, atrymajecca zusim niepryhoža...
U novych varunkach aficyjny pijar peŭna budzie šukać novy hrunt. Teza pra hnijeńnie ŭ akopach stračvaje aktualnaść U navahodnim vinšavańni ŭžo prahučała tumannaja zhadka pra podźvihi prodkaŭ u lichija časiny. Jak zaznačaŭ niadaŭna aŭtar hetych radkoŭ, jašče adna hazavaja vajna — i ŭpišuć u svoj "vertykalny" kalandar dzień Aršanskaj bitvy :)
Śmiech śmiecham, ale chaj sabie i palityčnaja kanjunktura spryjaje, skažam tak, zamacavańniu ŭ hramadztvie vobrazaŭ nacyjanalnaj historyi dy kultury. Čym kiepska, kali, prykładam, zdymuć tabu na vydańnie kaho-kolviek z apalnych aŭtaraŭ?
Ale nie śpiašajciesia čaplać na nos ružovyja akulary. Bo zvyšzadača aficyjnaha pijaru, chaj sabie i sa zhadkaj pra Kastusia Astroskaha, zastaniecca taja ž — zhurtavać paspality lud vakoł pravadyra, skarystać atmasferu atočanaj cytadeli dziela padmacavańnia dziejnaje ŭłady.
Tak što ŭnutrypalityčnaja kalizija nikudy nie padzieniecca.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary