Natalla Vadzianava syšła ad muža i źniałasia aholenaj
Časopis Love apublikavaŭ jaje pravakacyjnuju fotasiesiju.
Madelka Natalla Vadzianava pryznała, što razarvała adnosiny z brytanskim arystakratam Džaścinam Trevaram Bierkli Portmanam. Jaje intervju apublikavana ŭ časopisie ES.
U pary troje dziaciej: 9-hadovyŁukas-Alaksandr, 5-hadovaja Nieva i 3-hadovy Vicia. Madel paprasiła žurnalistaŭ nie sprabavać daviedacca pryčyny razryvu, nie tryvožyć jaje rospytami. Takoje časta zdarajecca, skazała jana, i jana chacieła b pieražyć toje, što adbyłosia, jak zvyčajnaja žančyna, bieź lišniaj uvahi i źviazanych ź im dušeŭnych traŭmaŭ.
Šlub Natalli i arystakrata Džaścina doŭžyŭsia amal dziesiać hadoŭ: u 2001 hodzie jany pažanilisia ŭ Anhlii, a ŭračystaści z nahody viasiella praviali ŭ Sankt-Pieciarburhu. Z 2009 hoda muža i žonku stali ŭsio radziej bačyć razam, pajšli čutki ab chutkim rasstavańni. Vadzianava ŭsio čaściej i čaściej prylatała na Radzimu.
U kožnym razie, sučasnaja kazka pra Papiałušku chepi-endam nie skončyłasia. Kazka nie raspaviadaje pra toje, što było paśla viasiella. A historyju Natalli i łorda Džaścina viedajuć usie. Dziaŭčyna, jakaja ŭ maładości dapamahała mamie handlavać sadavinoj, stała svajoj u śviecie čapurystaj brytanskaj arystakratyi.
Bolša za toje, jana stała jašče i adnoj ź piaci samych bahatych žančyn Anhlii. Jaje dachody daŭno na paradak pieravysili mužavy. Jaje bahaćcie aceńvajecca ŭ 20 miljonaŭ dalaraŭ. Mahčyma, Vadzianava prosta zakachałasia ŭ inšaha?
29-hadovaja maci traich dziaciej zajaŭlaje, što tak, zakachanaja. Adnak imia ščaśliŭčyka zastajecca ŭ tajamnicy. Vykazvajuć samyja roznyja zdahadki: heta fatohraf Skot Duhłas, režysior Andrej Bałcienka, akcior Džonatan Mał Majers. Nazyvajuć i akułaŭ šou-biznesu.
Inšy brytanski časopis, Love, apublikavaŭ čarhovuju pravakacyjnuju fotasiesiju 29-hadovaj maci traich dziaciej z aholenymi hrudźmi i cyharetaj u ruce ŭ kampanii z «drennaj dziaŭčynkaj» Kiejt Mos. Trecim udzielnikam fotasiesii staŭ Lija Ci — transseksuał, jaki vyhladaje jak dziaŭčyna, ale bijałahična pakul jašče mužčyna.
29-hadovaja madelka naradziłasia i vyrasła ŭ Nižnim Noŭharadzie -- vialikim horadzie ŭ Rasii, na Vołzie. U jaje žyłach ciače rasiejskaja i mardoŭskaja (erzia) kroŭ.
Kamientary