Paśla taho, jak Ministerstva infarmacyi prajhrała praces suprać «Aŭtaradyjo», ministr
Aleh Pralaskoŭski byŭ zdiŭleny «niespraviadlivaściu» rašeńnia. Vyšejšy haspadarčy sud rašeńnie pierahladzieŭ, i siońnia papiaredžańnie radyjostancyi adnavili.
«My iznoŭ ekstremisty ci napałovu ekstremisty — sami zrazumieć nie možam, — kaža hienieralny dyrektar «Aŭtaradyjo» Juryj Bazan. — Ale rašeńnie na našu karyść admianili. Zaŭtra budzie ahučana «rašeńnie pa rašeńni» kamisii, jakaja adabrała ŭ nas prava naziemnaha viaščańnia. U tym ža samym haspadarčym sudzie ŭ 9:15 ranku.
9 sakavika rašeńniem Vyšejšaha haspadarčaha suda papiaredžańnie «Aŭtaradyjo» ad Ministerstva infarmacyi było admieniena, praz adsutnaść ekstremizmu, u jakim abvinavačvali radyjostancyju. Hetak sama było źniataje papiaredžańnie nakont parušeńnia tvorčaj kancepcyi. Arhumienty, jakimi karystałasia padčas pracesu Ministerstva infarmacyja było pabudavana na dvuch sastarełych zakonach, varyjantach značeńnia słova «infarmacyja», i linhvistyčnym analizie frazy Sańnikava «Los krainy vyrašajecca nie na kuchni, a na płoščy», jaki ŭ vyniku tak i nie zmahli paćvierdzić.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary