U Biełarusi płanujecca ŭvieści čypavańnie sabak i katoŭ
Prajektam zakona «Ab abychodžańni z žyviołami» ŭ Biełarusi płanujecca ŭvieści čypavańnie sabak i katoŭ, paviedamiła vykanaŭca abaviazkaŭ dyrektara minskaha pradpryjemstva pa časovym utrymańni žyvioł «Faŭna horada» Tamara Carykoŭskaja, jakaja ŭvachodzić u rabočuju hrupu pa raspracoŭcy zakonaprajekta.
Užyŭleńnie čypa, adznačyła Carykoŭskaja, zabiaśpiečyć kantrol nad žyviołami. Hetu praceduru płanujecca vykonvać na vietstancyjach i ŭ «Faŭnie horada».
Pradstaŭnik arhanizacyi adznačyła, što ŭ prajekcie zakona zamacoŭvajucca patrabavańni da rehistracyi i ŭliku, utrymańnia, abychodžańnia z žyviołami. Asobnyja artykuły zamacoŭvajuć patrabavańni da vyhułu sabak i abaviazki ŭładalnikaŭ žyvioł. U zakonie taksama budzie prapisana, jakija kankretna žyvioły mohuć utrymoŭvacca ŭ damašnich umovach, a jakija nie.
Pavodle słoŭ Carykoŭskaj,
u liku zapłanavanych novaŭviadzieńniaŭ
— zabarona na ŭtrymańnie ŭ šmatkvaternych damach sabak patencyjna niebiaśpiečnych parod. Adnak tyja ź ich, jakija na momant nabyćcia zakonam mocy ŭžo žyvuć u šmatkvaternych damach, mohuć zastavacca ŭ svaich haspadaroŭ da naturalnaj śmierci.
U prajekcie zakona taksama płanujecca zamacavać isnujučyja abmiežavańni na ŭtrymańnie sabak i katoŭ u šmatkvaternych damach: u adnoj kvatery nie pavinna žyć bolš za dźvie žyvioły.
Akramia taho, u zakonaprajekcie raśpisana dziejnaść punktaŭ pa časovym utrymańni žyvioł, prytułkaŭ i kamiercyjnych haścinic. Termin utrymańnia ŭ punkcie časovaha pryjomu adłoŭlenaj bieznahladnaj žyvioły płanujecca pavialičyć ź piaci dzion da miesiaca.
Jak adznačyła Carykoŭskaja, najbližejšym časam zakonaprajekt budzie nakiravany dla ŭniasieńnia prapanoŭ u zacikaŭlenyja ministerstvy i viedamstvy. Zaćviardžeńnie zakonaprajekta Pałataj pradstaŭnikoŭ zapłanavana ŭ 2012 hodzie.
Kamientary