U dziaržSMI razasłanyja proźviščy, jakija zabaroniena zhadvać?
Razam z «Lapisami», «NRM» i Ipatavaj — Džud Łoŭ, DDT i Tom Stopard.
U «Našu Nivu» elektronnaj poštaj dasłali papieru, jakaja ŭjaŭlaje saboj śpis zabaronienych da zhadvańnia ŭ aficyjnych ŚMI dziejačoŭ biełaruskaha i suśvietnaha mastactva. Taja samaja papiera hulaje ŭ Fejsbuku.
Pavodle infarmacyi taho supracoŭnika adnaho z aficyjnych ŚMI, jaki dasłaŭ nam hety dakumient, dadzienuju papierku bieź piačatak i biez podpisaŭ pad raśpisku vydali ŭsim redaktaram najbujniejšych biełaruskich aficyjnych ŚMI i FM-radyjostancyj. Pavodle infarmacyi «Našaj Nivy», asoba, jakaja razasłała hety dakumient i pieršaj vystaviła jaho ŭ Fejsbuk, sapraŭdy pracuje ŭ adnym z takich ŚMI. Naš karespandent vyjšaŭ na kantakt z hetaj asobaj i parazmaŭlaŭ.
U śpis uklučany biełaruskija, rasijskija i zachodnija pradstaŭniki kino, muzyki, mastactva. Siarod ich — «Lapis Trubiacki», «Krama», NRM, «Pałac», «Niejra Dziubiel», Źmicier Vajciuškievič, dramaturh Andrej Kurejčyk, uvieś kalektyŭ «Svabodnaha teatra», piśmieńniki Volha Ipatava, Hienadź Buraŭkin, mastaki Mikoła Kupava, Alaksiej Maračkin, dramaturh Uładzimir Chalip.
Z rasijskich zorak — DDT, «Naiŭ», «Tarakany», piśmieńnik Andrej Bitaŭ, Viktar Jerafiejeŭ, z zachodnich kinazorak — Džud Łoŭ, Kievin Spejsi dy inš, dramaturh Tom Stopard.
Što da rasijskich i zachodnich dziejačaŭ mastactva, to jany apošnim časam vykazvalisia ŭ padtrymku svabodaŭ u Biełarusi i palitźniavolenych.
Ciažka skazać, ci heta praŭdzivaja infarmacyja. Padazreńnie vyklikaje toj fakt, što mnohija sa zhadanych zamiežnych tvorcaŭ majuć mała značeńnia dla Biełarusi. Akramia taho, cyrkulary ŭ Biełarusi afarmlajucca inšym čynam.
Źviartaje ŭvahu, što vialikaje miesca ŭ hetym śpisie zajmajuć artysty Svabodnaha Teatra i zamiežnyja artysty, jakija vystupili ŭ padtrymku biełaruskaha Svabodnaha Teatra.
Pavodle źviestak «Našaj Nivy», asoba, jakaja raspaŭsiudziła hety śpis, nijak nie źviazana sa Svabodnym Teatram.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim10
Vyzvalenyja biełaruskija palitviaźni parazmaŭlali ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»1414
Kamientary