17-18 listapada ŭ połackaj majsterni mastački Taciany Kozik adbyłasia litaraturnaja kanferencyja, pryśviečanaja sučasnamu stanu, prablemam i perspektyvam raźvićcia litaratury. Arhanizataram kanferencyi vystupiŭ paet Aleś Arkuš.
17-18 listapada ŭ połackaj majsterni mastački Taciany Kozik adbyłasia litaraturnaja kanferencyja, pryśviečanaja sučasnamu stanu, prablemam i perspektyvam raźvićcia litaratury. Arhanizataram kanferencyi vystupiŭ paet Aleś Arkuš. Raniej na padobnyja imprezy ŭ Połacku vydzialisia cełyja muzei. Ciapier jość mahčymaść sabracca tolki na pryvatnaj kvatery. Niechta z prysutnych paraŭnaŭ hety schod ź pieršym źzdam RSDRP.
U Połacku sabrałasia kala dvaccaci tvorcaŭ z usioj Biełarusi. Aleś Arkuš adznačyŭ, što dziŭnym čynam, ale na takija sustrečy pryjaždžajuć tolki litaratary ź dźviuch hrupovak – byłoha «Bum-bam-litu» i TVŁ. Na kanferencyju nie pryjechaŭ nichto z kiraŭnictva Sajuzu piśmieńnikaŭ. Nichto nie pryjechaŭ ź litaraturnych krytykaŭ i tych piśmieńnikaŭ, što pracujuć u dziaržaŭnych ustanovach, najpierš va ŭniversytetach i škołach.
Zatoje z Horadni pryjechaŭ Juraś Paciupa, z Pružanščyny – Mikoła Papieka i, badaj, hałoŭnaj hościaj kanferencyi była redaktarka ŭkrainskaj «Kritiki» Bahdana Macijaš.
Z ustupnym słovam vystupiŭ Aleś Arkuš, paśla pačalisia dyskusii. Z dakładam na temu samvydavu vystupiŭ paet Viktar Žybul. Valancin Akudovič pračytaŭ nievialičkaje ese na temu kryzysu idei litaraturnaha časopisu. Sierž Minskievič kazaŭ pra biełaruskuju dziciačuju litaraturu, a filozaf Juraś Barysievič pra litaraturu na internet-pierakryžavańniach.
Bahdana Macijaš painfarmavała prysutnych pra stan rečaŭ u sučasnym ukrainskim pryhožym piśmienstvie. Usie dakłady supravadžalisia aktyŭnymi dyskusijami.
Ciaham kanferencyi prajšli mini-prezentacyi knih Alesia Arkuša «Askiepki vialikaha malunku», Alhierda Bachareviča «Nijakaj litaści Valancinie H.», a taksama «Pryhody Kakosa marakosa» Sierža Minskieviča.
Aleś Arkuš abiacaje ładzić padobnyja sustrečy dla litarataraŭ i nadalej.
Kamientary