Žančynie dahetul nie paviedamili, žyvy jaje muž albo nie.
Uviečary 24 śniežnia Volha Niaklajeva, žonka Uładzimira Niaklajeva, pieradała ŭ Hienieralnuju prakuraturu skarhu, u jakoj patrabuje sustrečy z hienprakuroram Ryhoram Vasilevičam.«Sa słovaŭ Alaksandra Łukašenki i dziažurnaha advakata N.Padsadnoj, moj muž znachodzicca u SIZA KDB. Adnak za piać dzion advakatam tak i nie ŭdałosia ź im sustrecca.
Ja patrabuju sustrečy z hienieralnym prakuroram, patrabuju paviedamić mnie, žyvy moj muž albo nie. I dakazać heta», — havorycca ŭ skarzie.
Heta ŭžo nie pieršy zvarot Volhi Niaklajevaj u Hienieralnuju prakuraturu krainy. 21 śniežnia spadarynia Volha ŭžo źviartałasia ŭ hetu ŭstanovu z zajavaj, u jakoj prasiła razhledzieć pryčynu niemahčymaści sustrečy Niaklajeva z advakatam. Adnak zajava da hetaha času nie razhledžanaja. Jak paviedamiŭ Volzie Niaklajevaj viečaram 24 śniežnia dziažurny prakuror Valeryj Sakovič, «zajava znachodzicca ŭ Adździele pa nahladzie za daznańniem orhanaŭ unutranych spraŭ» i jon nie moža skazać, razhledžanaja jana albo nie. Niahledziačy na toje, što zajava z patrabavańniem dapuścić da Niaklajeva advakata musiła być razhledžanaja na praciahu troch dzion.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary