Krajaznaŭcu Michasiu Biernatu paviedamili, što paśla hramadskaj aktyŭnaści pracu pryjdziecca pakinuć.
Krajaznaŭcu Michasiu Biernatu paviedamili, što paśla hramadskaj aktyŭnaści pracu pryjdziecca pakinuć.
Baranavickim čynoŭnikam nie spadabałasia, što sp. Biernat razam ź siabrami adnaviŭ šyldu ŭ honar Pałonkaŭskaj bitvy. Pryčym sami čynoŭniki nieadnarazova na prośby hramadskaści vyrabić takuju šyldu adkazvali admovaj.
Krajaznaŭcu na minułym tydni patelefanavaŭ zahadčyk adździeła kultury Baranavickaha rajvykankama Siarhiej Siedač. Jon zapatrabavaŭ tłumačalnuju zapisku z nahody adkryćcia šyldy. Sp. Biernat admoviŭsia. Tady v. a. dyrektara Rusinaŭskaha muzieja, dzie pracuje krajaznaŭca, zahadali napisać dakładnuju na Biernata. Maŭlaŭ, jon adkryvaŭ šyldu ŭ pracoŭny čas. Kali adbudziecca razhlad pa hetaj spravie, nieviadoma. Ale ŭ rajvykankamie
ŭ telefonnaj razmovie jamu paviedamili, što pracu pryjdziecca pakinuć.
Michasiu Biernatu — 65 hadoŭ. Kali jon stracić pasadu mietadysta ŭ muziei, usio roŭna pryjdziecca šukać pracu. Bo nie viedaje jak pražyć na piensiju, jakuju płacić dziaržava.
Pomnik u honar pieramohi vojskaŭ Rečy Paspalitaj nad maskoŭskimi vojskami ŭ 1660 hodzie byŭ pastaŭleny jašče ŭ 1994. Ale i tady nie abyšłosia biez skandału. Sp. Biernat raspaviadaje, što byłoha ŭpraŭlajučaha spravami Baranavickaha rajvykankama Ahranoŭskaha chvalavała, što za taki pomnik Rasija nie daść Biełarusi hazu i nafty. «U jaho ŭjaŭleńni heta vyhladała tak, što niechta choča pasvaryć dva narody».
Kamientary