U Čechii vyzvalili z-pad varty mitrapalita RPC Iłaryjona, u mašynie jakoha znajšli bieły parašok
Mitrapalita Budapiešckaha i Vienhierskaha Iłaryjona (Ałfiejeva), jakoha napiaredadni zatrymali ŭ Čechii z padazronym rečyvam, vypuskajuć na svabodu. Pra heta paviedamiŭ telehram-kanał ijerarcha sa spasyłkaj na jaho advakata. Razam ź im z-pad varty vyzvalajuć i apieratara, jaki jechaŭ u adnoj mašynie sa śviatarom.
Ijerarcha RPC, jakoha ŭ niadzielu 24 traŭnia zatrymali ŭ Čechii paśla taho, jak u jaho mašynie byli vyjaŭlenyja «kantejniery ź biełym rečyvam», adpuścili z češskaj palicyi, paviedamiŭ telehram-kanał Iłaryjona (aŭtar pasta nie paznačany).
Toje, što Iłaryjona adpuścili pa rašeńni češskaha suda, inšaj miery strymańnia ŭ dačynieńni da jaho abrana nie było, raskazaŭ Ruskaj słužbie Bi-bi-si advakat mitrapalita Ivan Mielnikaŭ.
Mitrapalit raniej zajaŭlaŭ, što nie viedaje, jak kantejniery apynulisia ŭ mašynie, i admaŭlaŭ, što maje dačynieńnie da narkotykaŭ, paviedamlaŭ telehram-kanał mitrapalita sa spasyłkaj na jaho advakata.
Ijerarcha RPC zatrymali ŭ niadzielu 24 traŭnia ŭ Čechii paśla taho, jak u jaho mašynie byli vyjaŭlenyja «kantejniery ź biełym rečyvam».
Raniej u aŭtorak MZS Rasii vyklikaŭ časovaha pavieranaha ŭ spravach Čechii ŭ Maskvie, kab zajavić pratest suprać zatrymańnia ijerarcha RPC i zapatrabavać jaho vyzvaleńnia.
Rasijski bok zapatrabavaŭ «nieadkładnaha vyzvaleńnia» mitrapalita i spynieńnia «hanieńniaŭ na pradstaŭnikoŭ RPC u Čechii».
Chto taki mitrapalit Iłaryjon?
U minułym Iłaryjon (Ałfiejeŭ) byŭ kiraŭnikom Adździeła vonkavych carkoŭnych suviaziaŭ Maskoŭskaha patryjarchatu i ličyŭsia adnym z samych nabližanych da patryjarcha Kiryła ludziej. U 2022 hodzie jaho pryznačyli kiraŭnikom Budapiešckaj jeparchii RPC.
Adnak paśla hučnaha skandału, źviazanaha z abvinavačańniami ŭ damahalnictvach, Iłaryjon byŭ adpraŭleny ŭ chram śviatych Piatra i Paŭła ŭ znakamitym kurortnym horadzie Karłavy Vary, dzie pražyvaje vialikaja rasijskaja dyjaspara.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ5
Kamientary