Za apošnija sutki ŭ Biełaruś jak minimum try razy zalacieli rasijskija drony
Infarmacyju pra čarhovyja vypadki zalotaŭ rasijskich bieśpiłotnikaŭ u Biełaruś pry atacy pa Ukrainie 25—26 maja sabraŭ «Fłahštok» pavodle danych ukrainskich manitorynhavych kanałaŭ.
Hetym razam zaloty fiksavalisia pieravažna ŭ Bresckaj vobłaści. Telehram-kanał «Rinda monitoriť» zajaviŭ, što ŭ noč na 26 maja byli adznačanyja nieadnarazovyja zaloty BPŁA va Ukrainu z terytoryi Biełarusi:
«Pakul dakładna nie viadoma, ź jakoj mienavita krainy byŭ ździejśnieny zapusk bieśpiłotnika, adnak možna śćviardžać, što pavietranuju prastoru Ukrainy jon pierasiek z boku Bresckaj vobłaści».
Kala 02:50 BPŁA prylacieŭ ź Biełarusi kursam na Dubrovicu ŭ Rovienskaj vobłaści, a ŭ 03:20 adzin z rasijskich dronaŭ vylecieŭ z terytoryi Rovienščyny ŭ kirunku Stolina. Ranicaj, u 07:10, adrazu try bieśpiłotniki ruchalisia ŭzdoŭž biełaruska-ŭkrainskaj miažy z Žytomirščyny na Rovienščynu, adznačyŭ kanał «jeRadar».
Pavodle danych hetaha ž resursu, u 23:30 25 maja niedaloka ad horada Vasilevičy ŭ Rečyckim rajonie pracavaŭ bort taktyčnaj avijacyi, mierkavana, SU-30.
Da hetaha, dniom u paniadziełak, kala 10:00 adbyŭsia zalot BPŁA na Čarnihaŭščynu z Homielščyny — dron nakiroŭvaŭsia ŭ bok Słavuciča.
Takim čynam, jak minimum try vypadki zalotaŭ rasijskich bieśpiłotnikaŭ u Biełaruś zafiksavanyja za minułyja sutki.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała24
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5555
Kamientary