Aŭtar «Minataŭra» pahadziŭsia ź Piaskovym, što ŭ jaho «niama prava hołasu». Tamu što ŭ ciapierašniaj Rasii jaho niama ni ŭ koha
Pres-sakratar prezidenta Rasii Uładzimira Pucina Dźmitryj Piaskoŭ admoviŭsia pieradavać svajmu načalniku słovy režysiora filma «Minataŭr» Andreja Źviahincava, skazanyja im padčas uručeńnia ŭznaharody ŭ Kanach, z zaklikam spynić vajnu va Ukrainie. Maŭlaŭ, u režysiora «niama prava hołasu». Toj pahadziŭsia — sapraŭdy niama, piša «Mieduza».
Na bryfinhu 25 maja Piaskoŭ zajaviŭ:
«Źviahincaŭ nikoli nie asudžaŭ kryvavuju bojniu, jakuju ŭčyniŭ kijeŭski režym na Danbasie. Pačynajučy z 2014 hoda, kali pačałasia vajna, voś kali b jon tady heta rabiŭ, napeŭna, u jaho było b prava hołasu. A zaraz u jaho takoha prava niama».
Andrej Źviahincaŭ samoha faktu adsutnaści u siabie prava hołasu ŭ vačach rasijskich uładaŭ nie staŭ, ale źviarnuŭ uvahu na ich kryvadušnaść:
«Tak, absalutna pravilna — niama ŭ mianie prava hołasu, jak niama jaho siońnia ŭ sotni miljonaŭ rasijan. Tamu što vy nikoli i nie čuli ich hołas. Banderłohami vy ličyli svaich suhramadzian i ŭ 2008-m. I ŭ 2011-m. I ŭ tym ža chitrym 2014-m. A dalej z usimi prypynkami.
I voś užo naš z vami ahulny mahutny ciahnik nabližajecca da stancyi «tupik». I ciapier — pavodle majho ścipłaha mierkavańnia — usio, što było b adzina pravilnym, racyjanalnym i navat zbaŭčym ciapier dla cełaj krainy — nie razmaŭlać, advodziačy ad hniazda; nie zadavać hramadzianinu svajoj krainy kryvadušnaha pytańnia z 2022-ha: «Dzie vy byli apošnija 8 hadoŭ?». A dziejničać z pryncypu tut i ciapier: zaviaršać hetuju biessensoŭnuju i biaźlitasnuju vajnu.
Ničoha, akramia hora i śloz; akramia rasčaravańnia i depresiŭnaj apatyi; akramia adarvanych kaniečnaściaŭ vašych suhramadzian u imia pryvidnaj mety; akramia źniščeńnia maładych ludziej, patrebnych krainie dla budaŭnictva žyćcia i budučyni. Ničoha dobraha napieradzie nie čakaje, kali nie spynicca».
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary