Uoren Bafiet vybraŭ pierajemnika.
Im staŭ małaviadomy kiraŭnik chiedžfonda z Kaniektykuta Tod Kombs. Jaho inviestycyjny partfiel vyraście z $400 młn da $100 młrd. Hodnaha kandydata ŭ Berkshire Hathaway šukali bolš za piać hadoŭ.
Uoren Bafiet znajšoŭ kamu pieradać kiravańnie Berkshire Hathaway Inc. paśla adychodu ad aktyŭnaha kiravańnia biznesam. Najbolš vierahodny kandydat ciapier kiruje adnosna nievialikim chiedžfondam, paviedamlaje Wall Street Journal. Heta Tod Kombs,
Mahčyma, mienavita Tod Kombs budzie kiravać inviestycyjnym partfielem amal u $100 młrd, jaki Berkshire Hathaway sabrała pad kiraŭnictvam Uorena Bafieta. Pryznačeńnie ździviła udzielnikaŭ inviestycyjnaha rynku. Fond Toda Kombsa našmat mienšy — kala $ 400 młn. Jon śpiecyjalizujecca na inviestycyjach u kampanii finansavaha siektaru.
Znajomyja Toda Kombsa dajuć jamu stanoŭčyja charaktarystyki.
«Jon vielmi dobra navučany, čytaje 500 staronak u tydzień i pravodzić ułasnyja hłybokija daśledavańni», — zajaviŭ Čak Devis, hienieralny dyrektar kampanii Stone Point, jaki dapamoh Kombsu adkryć svoj fond piać hadoŭ tamu.
Uorenu Bafietu ŭ žniŭni spoŭniłasia 80 hadoŭ. Ale lehiendarny inviestar zajaŭlaje, što nie maje namieru całkam adychodzić ad spravaŭ.
Chutčej za ŭsio, jon zastaniecca staršyniom rady dyrektaraŭ i budzie kiravać ułasna inviestycyjnym pracesam.Tod Kombs «nie atrymaje kantrolu nad usimi inviestycyjami, pakul ja jašče tut», — papiaredziŭ Bafiet. Hałoŭnym zastaniecca Bafiet, a Kombsu budzie daručany partfiel, «jaki Bafiet paličyć prydatnym», potym partfiel budzie pastupova pavialičvacca. Pierajemnik Bafieta budzie zaličany ŭ kampaniju, jakaja naličvaje mienš za 25 supracoŭnikaŭ, adnak vałodaje bolš čym 70 pradpryjemstvami.
Ciapier čytajuć
Kvadrat u Minsku kaštuje rekordna doraha: narešcie pabity rekord 2007 hoda2
Kamientary