Supracoŭniki depatramentu ŭ baraćbie z arhanizavanaj złačynnaściu dy teraryzmam MUS Rasiei zatrymali troch udzielnikaŭ najbujniejšaha biełaruskaha złačynnaha farmavańnia «Pažarniki», u tym ža liku ichniaha lidera – 35-hadovaha Hienadzia Biarezina.
Supracoŭniki depatramentu ŭ baraćbie z arhanizavanaj złačynnaściu dy teraryzmam MUS Rasiei zatrymali troch udzielnikaŭ najbujniejšaha biełaruskaha złačynnaha farmavańnia «Pažarniki», u tym ža liku ichniaha lidera – 35-hadovaha Hienadzia Biarezina.
Jak paviedamlaje presavaja słužba departamentu, zatrymańnie rabili z dapamohaj biełaruskich kaleh u kvatery na Kutuzaŭskim praspekcie. Akramia Biarezina schapili Aleha Čyrkova i Viačasłava Licenštejna. U ich kanfiskavali falšyvyja pašparty hramadzian Rasiei i Biełarusi.
Pavodle infarmacyi MUS, usie zatrymanyja byli ŭ miždziaržaŭnym vyšuku za ŭčynieńnie ciažkich złačynstvaŭ. Ciapier praviarajuć, ci jany mieli dačynieńnie da złačynstvaŭ na terytoryi Rasiei, i vyrašajuć pytańnie pra ichniuju ekstradycyju ŭ Biełaruś.
Arhanizavanaje złačynnaje farmavańnie (AZF) «Pažarniki» paŭstała na terytoryi Homielskaj vobłaści ŭ 1990-ch hadoch. Bandyty specyjalizavalisia na vymahańniach, razbojstvach, kradziažoch, «kryšavańni» prastytucyi dy niezakonnym aŭtabiznesie.
U krasaviku-červieni na terytoryi Maskoŭskaha rehijonu zatrymali šaścioch udzielnikaŭ AZF, što byli ŭ vyšuku. U žniŭni 2006 h. sud na Homielskuju vobłaść pryznaŭ 27 čalcoŭ bandy vinavatymi ŭ bolš jak 100 złačynstvach (u tym liku blizka 80 ciažkich i asabliva ciažkich) i prysudziŭ da vastrohu ad 3 da 14 hod. 11 bandziukoŭ zdaleli schavacca. Bolšaść ź ich pierabrałasia ŭ Rasieju.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary