U Rasiei zabitaja viadomaja žurnalistka i pravaabaronca Hanna Palitkoŭskaja

U Maskvie ŭ domie 8/12 pa Lasnoj vulicy zabitaja viadomaja žurnalistka, ahladalnica «Novoj haziety» Hanna Palitkoŭskaja.

Pavodle źviestak ahiencyi «Interfaks», cieła Hanny Palitkoŭskaj było znojdziena ŭ 16.10 pa biełaruskim časie ŭ lifcie jejnaj susiedkaj. Na ciele jość ahniastrelnaje ranieńnie. Supracoŭniki milicyi znajšli ŭ lifcie kinuty pistalet PM i čatyry hilzy. Na miescy zdareńnia pracuje aperatyŭna-śledčaja hrupa.

Žurnalistka «Novoj haziety» Hanna Palitkoŭskaja viadomaja najpierš svaimi materyjałami na temu Čačni i Paŭnočnaha Kaŭkazu.

Pavodle infarmacyi krynicy ahiencyi ŭ pravaachoŭčych orhanach, u Maskvie abjaŭleny plan specyjalnych mierapryjemstvaŭ «Vułkan».

U vyšuk abjaŭleny małady čałaviek, rostu vyšejšaha za siaredni, chudarlavaha ciełaskładu. Na hałavie mierkavanaha zabojcy moža być čornaja kiepka-bejsbołka, dadała krynica ahiencyi.

Hałoŭny redaktar «Novoj haziety» Dźmitry Murataŭ vykazaŭ mierkavańnie, što zabojstva źviazanaje z žurnalisckaj dziejnaściu Hanny Palitkoŭskaj. Jak viadoma, Palitkoŭskaj nieadnakroć pahražali. Tak, nahadvajuć Grani.ru, u vieraśni 2001 hodu jana nadrukavała ŭ «Novoj hazietie» artykuł «Ludzi, jakija źnikajuć», jaki raskazvaŭ pra los čačenca Zelimchana Murdałava, aryštavanaha ŭ Čačni chanty-mansijskim AMAPam na pačatku 2001 hodu, a potym biaśśledna źnikłaha.

Paśla hetaha žurnalistka pa elektronnaj pošcie stała atrymlivać listy z pahrozami ad niejkaha «kadeta». «Kadetam» nazyvali supracoŭnika chanty-mansijskaha AMAPu Siarhieja Łapina, jaki niepasredna «pracavaŭ» z Murdałavym paśla jahonaha zatrymańnia. Łapinu vysunuli abvinavačvańni, adnak paźniej jany byli źniatyja.

Raniej, u vieraśni 2004 hodu ŭ časie trahičnych padziej u besłanskaj škole Hannu Palitkoŭskuju pasprabavali atrucić na borcie samalota pa darozie ŭ Besłan. Tady Palitkoŭskaja zajaviła, što jaje «prybrali z pola», kab nia dać joj ažyćciavić jejny plan urehulavańnia sytuacyi.

Hanna Palitkoŭskaja zakončyła fakultet žurnalistyki Maskoŭskaha dziaržuniversytetu ŭ 1980 hodzie. U 1982-1993 hadach pracavała ŭ hazetach «Iźviestija» i «Vozdušnyj transpotrt», u tvorčym abjadnańni «ESKART» vydaviectvie «Paritiet».

U 1994-1999 hadach – redaktarka adździełu nadzvyčajnych zdareńniaŭ «Obŝiej haziety». Ad červienia 1999 hodu – ahladalnica «Novoj haziety».

Ad lipienia 1999 hodu jana šmat razoŭ vyjaždžała ŭ zony bajavych dziejańniaŭ i lahiery ŭciekačoŭ u Dahiestanie, a potym u Inhušecii dy Čačni. Hanna Palitkoŭskaja – aŭtarka dakumentalnaj knihi «Padarožža ŭ piekła. Čačenski dziońnik».

Za seryju repartažaŭ z Čačni ŭ studzieni 2000 hodu Hanna Palitkoŭskaja była ŭhanaravanaja premijaj «Załatoje piaro Rasiei». Inšyja jejnyja premii: premija Sajuzu žurnalistaŭ RF «Dobry ŭčynak – dobraje serca», premija Sajuzu žurnalistaŭ za materyjały pa baraćbie z karupcyjaj, dyplom «Załaty honh-2000» za seryju materyjałaŭ pra Čačniu.

Hanna Palitkoŭskaja taksama zajmałasia pravaabarončaj dziejnaściu: dapamahała maci

Fota regnum.ru

• 0
• 0
• 0
• 0
• 0
• 0
• 0
• 0