Papiaredniaje rašeńnie ab pierajmienavańni było pryniataje 15 sakavika. Minharvykankam dahetul vahajecca.
Pierajmienavańnie stancyi mietro «Płošča Lenina» u «Płošču Niezaležnaści» budzie čarhovy raz razhladacca ŭ Minharvykankamie ŭ vieraśni. Ab hetym paviedamiła načalnik adździełakulturna-aśvietnaj pracy Upraŭleńnia kultury Minharvykankama Volha Łukašuk.
15 sakavika Kamisija pa najmienavanni i pierajmienavanni vulic pry Minharvykankamie (u jaje skład uvachodziać haradskija čynoŭniki, deputaty Minharsavietu, hałoŭny mastak i pradstaŭniki hramadskaści) pryniała rašeńnie ab pierajmienavańni šerahu staličnych arteryj. Hetak, vulica Hiercena pavinna była stać Biernardynskaj, Dzimitrava — Piatnickaj, Revalucyjnaja — Kojdanaŭskaj, Vyzvaleńnia — Uvaskrasienskaj, Kamunalnaja ŭźbiarežnaja — Trajeckaj uźbiarežnaj. Aproč taho, stancyja mietro «Płošča Lenina» musiła atrymać nazvu «Płošča Niezaležnaści», jakuju ŭžo nasiła z 1992 pa 2003 hod.
Pavodle zakonu, rašeńnie Kamisii było nadrukavana ŭ presie, paśla čaho ciaham dvuch tydniaŭ kožny achvočy moh dasyłać svaje zaŭvahi i prapanovy. Z ulikam hramadskaj dumki deputaty Minharsavieta
Pa słovach Volhi Łukašuk, da ich pryjšło šmat vodhukaŭ ad minčukoŭ — jak stanoŭčych, hetak i admoŭnych.
«Situacyja ź pierajmienavańniem «Płoščy Lenina» nieadnaznačnaja. Vieteranskija arhanizacyi suprać. Tamu Kamisija pa najmienavanni i pierajmienavanni vulic pry Minharvykankamie vierniecca da razhladu hetaha pytańnia ŭ vieraśni», — adznačyła čynoŭnik.
Kali ž Kamisija ŭsio ž uchvalić pierajmienavańnie «Lenina» u «Niezaležnaści», materyjały buduć pieradadzienyja na razhlad Minharsavieta
Praŭda, adzin ź siabroŭ staličnaj Kamisii pa pierajmienavanni, jaki prasiŭ nie nazyvać svajho imia, paviedamiŭ, što maje vialikija sumnievy adnosna stanoŭčaha vyrašeńnia hetaha pytańnia. «Nadta ŭžo składanaja i kanfliktnaja situacyja», — skazaŭ ekśpiert.
Kamientary