(1352(?)—1.06.1434)
...Prad taboj kryžaki, jak na poli kryžy,
Dzie tvoj brat, dzie tvoj syn, dzie tvoj baćka lažyć,
Dzie lažać biełarusy ŭ kryvavaj travie,
Dzie viatry i vaŭki, dzie samota žyvie...
Kniaź hladzić na travu, niby ŭ viečnaść hladzić,
I nie bačyć, kaho tut lubić, kaho bić,
Kab Ajčyna była — u Jeŭropu vakno,
Kab jaje nie dzialili, nibyta vino,
Ni svaje, ni čužak, ni kaścioł, ni carkva...
I na zamkavych viežach nie ŭzydzie trava,
Bo travu naša kroŭ vymyvaje, jak tło,
Bo ŭ kryvi jość ciamreč, bo ŭ kryvi jość śviatło,
Ad jakich pačynajucca noč, śvietły dzień...
Prad taboj kryžaki, prad taboju tvoj cień,
Za taboj Biełaruś, za taboj usie my,
Niby kvołaja ruń paśla doŭhaj zimy.
Kamientary