Rektara nie spynili sotni podpisaŭ studentaŭ i rekamiendacyi ministra adukacyi.
Kanflikt ustanovy i pryvatnika. Chto maje racyju? U studenckim internacie začyniłasia trenažornaja zała, jakuju trymaŭ pradprymalnik. Rektara nie spynili sotni podpisaŭ studentaŭ i rekamiendacyi ministra adukacyi.
Homielski pradprymalnik Viktar Kraŭčanka ŭ ciažkaj atletycy z 14 hadoŭ. Studentam jeździŭ na treniroŭki ŭ druhi kaniec horada, bo ŭ rodnym internacie №4 nie było ŭmoŭ. Mienavita tam u 2005 hodzie Viktar i adčyniŭ trenažornuju zału «Fitness +». Arandavaŭ u internacie Homielskaha dziaržaŭnaha ŭniviersiteta imia Skaryny pamiaškańnie, adramantavaŭ i abstalavaŭ jaho. Dla studentaŭ i supracoŭnikaŭ HDU pradprymalnik zrabiŭ źnižku na 25%, kitajskija studenty ŭvohule zajmalisia biaspłatna. Zału naviedvali i žychary mikrarajonaŭ «Vałatava» i «Klonkaŭski». Prychodzili mužčyny i žančyny ŭsich uzrostaŭ, a taksama dzieci i padletki. U zali Kraŭčanki možna było zajmacca nie tolki ciažkaj atletykaj. Naviednikam prapanoŭvalisia zaniatki pa karekcyi fihury, lačebnaja fizkultura. Spartyŭnyja pośpiechi Kraŭčanku čakali ŭ paŭerlifcinhu: pad jaho kiraŭnictvam vyhadavalisia adzin majstar sportu i piać kandydataŭ u majstry.
Adnak na pačatku 2010 hoda rektar univiersiteta Alaksandr Rahačoŭ admoviŭsia praciahnuć damovu arendy. Pa słovach Kraŭčanki, svaju admovu kiraŭnictva VNU matyvavała pieraraschodam elektraenierhii. Adnak hety fakt nie paćvierdziŭsia. Tady biźniesoŭcu zajavili, što ŭniviersitet maje patrebu mienavita ŭ hetym pamiaškańni, bo Ministerstva adukacyi daviało novyja prahnoznyja pakazčyki pa roście płatnych pasłuh u śfiery fizkultury i sportu.
Viktar Mikałajevič naviedaŭsia ŭ Ministerstva adukacyi.
Studenty HDU sa svajho boku dasłali ŭ Minadukacyi kalektyŭny list z 200 podpisami z prośbaj pakinuć va ŭniviersitecie trenažornuju zału. Kitajskija studenty źviartalisia ŭ svajo pasolstva z prośbaj paspryjać Kraŭčanku.Ministr Alaksandr Radźkoŭ u liście da pradprymalnika adkazaŭ, što ministerstva ŭ cełym nie suprać praciahu kantraktu i navat rekamiendavała rektaru zrabić heta. Adnak, spasłaŭšysia na Hramadzianski kodeks, ministr adznačyŭ, što jahonaje viedamstva nie maje paŭnamoctvaŭ, kab zmušać VNU padpisvać padobnyja damovy.
A rektar, jak kaža Viktar, vyrašyŭ iści da apošniaha.
Kraŭčanka śćviardžaje, što Rahačoŭ nibyta paabiacaŭ pieršy pavierch internata adnamu z bankaŭ.Ale kali ŭ spravu ŭklučyłasia Minadukacyi, rektar zajaviŭ, što maje patrebu ŭ pašyreńni płoščy pad zaniatki fizvychavańniem, tamu i nie praciahvaje kantrakt z pradprymalnikam.
30 maja Kraŭčanka vyviez z arandavanaj zały abstalavańnie. Jon adšukaŭ novaje pamiaškańnie ŭ tym ža rajonie, ciapier čakaje aŭkcyjonu. «Spadziajusia, što pačnu pracu praź niekalki miesiacaŭ. Ludzi čakajuć», — kaža Viktar.
«My nie zusim pravilna pastupili z samaha pačatku»
Rektar univiersiteta Alaksandr Rahačoŭ kaža, što rašeńnie zdavać u arendu pamiaškańnie ŭ internacie №4 było pamyłkovym ad samaha pačatku, bo budynak internata niekalki hadoŭ patrabuje kapitalnaha ramontu. A akurat z-za trenažornaj zały jaho i nie mahli raspačać, patłumačyŭ Alaksandr Uładzimiravič. Pa jaho słovach, da kiraŭnictva ŭniviersiteta pastupili prośby studentaŭ adčynić novuju zału.
«I my heta zrobim. Tolki ŭ nas zaniatki buduć biaspłatnyja. Vy ž razumiejecie, što dla studenta 40—50 tysiač rubloŭ zusim nie lišnija».Rektar raskazaŭ taksama, što na hetyja mety ŭžo zakupili ryštunak na 40 miljonaŭ rubloŭ. Rychtavać budučych spartoŭcaŭ budzie vopytny trenier Uładzimir Hałavač, jaki vyhadavaŭ bolš za 40 majstroŭ sportu.
Akramia taho, paśla ramontu na druhim paviersie internata adčynicca čytalnaja zała z dostupam u internet.
Słovy Viktara Kraŭčanki pra namiery addać pamiaškańnie ŭ arendu adnamu z bankaŭ kiraŭnik univiersiteta nie paćvierdziŭ.
«Abaviazkova viarnusia da Kraŭčanki»
Alaksandr Kažamiakin, jaki pad kiraŭnictvam Viktara Kraŭčanki staŭ majstram sportu, ź ciepłynioj uzhadvaje čas, praviedzieny ŭ «trenažorcy» ŭ internacie №4. Jon staŭ majstram sportu try hady tamu, paśla ŭ jaho spartovuju karjeru ŭmiašałasia składanaja traŭma. Ciapier Alaksandr adnaviŭsia i hatovy praciahnuć treniroŭki. «Abaviazkova viarnusia da Kraŭčanki, kali jon znoj¬dzie novaje pamiaškańnie. Ja pryvyk da pracy ź Viktaram Mikałajevičam».
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary