U Minsku paśla maštabnaj rekanstrukcyi adkryŭsia Muziej hadzińnikavaj spravy Biełarusi — adziny ŭ krainie muziej, pryśviečany historyi hadzińnikaŭ i hadzińnikavaj vytvorčaści, paviedamlaje telekanał STB.
Ekspazicyja Minskaha hadzińnikavaha zavoda «Łuč» raskazvaje pra raźvićcio hadzińnikavaj spravy na biełaruskich ziemlach — ad staražytnych soniečnych hadzińnikaŭ da sučasnych miechanizmaŭ. U muziei pradstaŭlena bolš za 200 ekspanataŭ, u tym liku kalekcyja ŭłasnych hadzińnikaŭ, jakaja achoplivaje pieryjad z 1955 hoda.
Paśla rekanstrukcyi muziej pašyryli i dadali novyja ekspanaty, kab zrabić jaho bolš cikavym dla naviednikaŭ. Siarod redkich pradmietaŭ jość detal ad viežavych hadzińnikaŭ z kaścioła ŭ Hrodnie, a taksama makiety staražytnych soniečnych hadzińnikaŭ ź inšych muziejaŭ śvietu.
Pradstaŭniki zavoda adznačajuć, što pradukcyja «Łuča» pradajecca nie tolki ŭ Biełarusi, ale i ŭ Rasii, Hiermanii i krainach Azii. Taksama paviedamlajecca, što nieŭzabavie ŭ prodaž pastupić sumiesnaja kalekcyja hadzińnikaŭ ź BiełAZam.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie17
Kamientary
Ź Biełazam? Z hetym hierkulesam mocy? I hadzinniki takija ž buduć? Mnie navat ciažka sabie heta ujavić. Ujaulajecie, samy vialiki ułasny naručny hadzinnik, vahoj 5 kh!
U mianie prama taki honar za našych hadzinnikabudaunikou.